Hill Sations In AP: సిమ్లా, ముసూరి వెళ్లాల్సిన అవసరం లేదు.. ఆంధ్రప్రదేశ్‌లోనే ఉన్న ఈ హిల్ స్టేషన్లు చాలు!
ఈ వార్తాకథనం ఏంటి
వేసవి కాలంలో చల్లని వాతావరణాన్ని ఆస్వాదించాలనుకునే వారు ఎక్కువగా కొండ ప్రాంతాలను సందర్శించాలనుకుంటారు.
ఎందుకంటే అలాంటి ప్రదేశాల్లో చల్లదనంతోపాటు ప్రకృతి అందాలు కూడా మనసును మాయ చేస్తాయి.
చాలామంది తమిళనాడు లేదా కర్ణాటక రాష్ట్రాల్లోని హిల్ స్టేషన్లకు వెళ్లే ప్రణాళికలు వేస్తారు.
కానీ నిజానికి తెలుగు రాష్ట్రాల్లో, ముఖ్యంగా ఆంధ్రప్రదేశ్‌లోనే ఎన్నో అద్భుతమైన హిల్ స్టేషన్లు ఉన్నాయి.
వీటిని సందర్శిస్తే మీరు అధిక ఖర్చు చేయాల్సిన అవసరం లేకుండా, సౌందర్యాన్ని ఆస్వాదించవచ్చు. ఇప్పుడు ఆంధ్రాలోని ప్రధాన హిల్ స్టేషన్ల గురించి తెలుసుకుందాం:
వివరాలు
హార్స్లీ హిల్స్
చిత్తూరు జిల్లాలో వున్న హార్స్లీ హిల్స్‌ను 'ఆంధ్రప్రదేశ్ ఊటీ' అని కూడా పిలుస్తారు.
పచ్చని అడవుల మధ్య నీలిగిరి చెట్లతో చుట్టుకొలదిన ఈ ప్రాంతం ఎంతో శాంతమైన వాతావరణాన్ని కలిగించుతుంది.
ఇక్కడ ప్రకృతి అందం అనిర్వచనీయంగా ఉంటుంది. ట్రెక్కింగ్, క్యాంపింగ్ వంటి సాహసిక కార్యకలాపాలకు ఇది అనువైన ప్రదేశం.
కొండల మధ్యలో ఉన్న ఒక చిన్న సరస్సు కూడా పర్యాటకుల దృష్టిని ఆకర్షిస్తుంది.
వివరాలు
అరకు లోయలు
విశాఖపట్నానికి సమీపంలో వున్న అరకులోయ సముద్ర మట్టానికి 3200 అడుగుల ఎత్తులో ఉంది.
ఈ ప్రాంతం దట్టమైన కాఫీ తోటలు, గిరిజన గ్రామాలు, పచ్చని లోయలతో ఆకట్టుకుంటుంది.
అక్కడి స్వచ్ఛమైన గాలి, ప్రకృతి అందాలు సందర్శకులను మాయచేస్తాయి.
బొర్రా గుహలు, కటికి జలపాతాలు వంటి ప్రక్కనున్న ప్రదేశాలను కూడా తప్పకుండా చూడాల్సిందే.
వివరాలు
లంబసింగి
'ఆంధ్ర కాశ్మీర్' అని పేరొందిన లంబసింగి విశాఖ జిల్లాలో ఉంది. ఏడాది పొడవునా చల్లదనం వుండే లంబసింగిలో శీతాకాలంలో మంచు కూడా పడుతుంది.
ఇది ఆంధ్రప్రదేశ్‌లో మంచు కురిసే ఏకైక ప్రదేశంగా పేరుగాంచింది.
పచ్చని కొండలు, ప్రశాంత వాతావరణం ఈ ప్రాంతాన్ని ఒక అద్భుతమైన హిల్ స్టేషన్‌గా తీర్చిదిద్దాయి.
ఈ చిన్న గ్రామం ప్రస్తుతం వేగంగా పర్యాటక కేంద్రంగా అభివృద్ధి చెందుతోంది.
వివరాలు
అనంతగిరి కొండలు
విశాఖపట్నం నగరం నుండి సుమారు 90 కిలోమీటర్ల దూరంలో వున్న అనంతగిరి కొండలు ప్రకృతి ప్రేమికులకు ఓ స్వర్గధామం లాంటివి.
కాఫీ తోటలు, చిన్న నదులు, దట్టమైన అడవుల మధ్య ఈ కొండలు విశ్రాంతిని అందించే ప్రదేశంగా నిలుస్తాయి. ట్రెక్కింగ్, క్యాంపింగ్ చేయాలనుకునేవారికి ఇది బాగా నచ్చే ప్రదేశం.
పాపికొండలు
తూర్పు, పశ్చిమగోదావరి జిల్లాలలో విస్తరించిన పాపికొండలు గోదావరి నదీ తీరంలో ఉన్నాయి.
ఇక్కడ బోటు ప్రయాణం ఒక ప్రత్యేక ఆకర్షణ. రెండు కొండల మధ్యుగా ప్రవహించే గోదావరిలో సాగే బోటింగ్ మిమ్మల్ని ప్రకృతిలో విలీనం అయ్యేలా చేస్తుంది.
ఇక్కడి నిశ్శబ్దత, ప్రకృతి సౌందర్యం, నదీ ప్రవాహం కలసి ఓ అద్భుతమైన అనుభూతిని కలిగిస్తాయి.
వివరాలు
సిమ్లా, ముసూరిలకు దీటుగా..
ఈ ప్రదేశాలు సిమ్లా, ముసూరిలకు దీటుగా ఉండటమే కాదు, మరింత చల్లదనంతోపాటు అందమైన ప్రకృతి, సాంస్కృతిక విశిష్టతలు కలిగి ఉన్నాయి.
ఖర్చు తక్కువగా ఉంటే చాలు, మీరు మన రాష్ట్రంలోనే ఉన్న ఈ హిల్ స్టేషన్లను ఒకసారి తప్పకుండా సందర్శించండి!