ISRO: ఇస్రో ప్రవేశపెట్టిన రెండు ఉపగ్రహాల 'డాకింగ్' సక్సెస్‌
ఈ వార్తాకథనం ఏంటి
భారత అంతరిక్ష పరిశోధనా సంస్థ (ఇస్రో) నూతన సంవత్సర ఆరంభంలోనే మరో వినూత్నమైన చరిత్రను లిఖించింది.
ఇటీవల నింగిలోకి పంపించిన రెండు ఉపగ్రహాలను విజయవంతంగా అనుసంధానం చేసింది.
ఈ ఘనత సాధించినట్లు ఇస్రో గురువారం 'ఎక్స్‌' వేదికగా ప్రకటించింది.
ఈ ఘనతను సాధించిన నాలుగో దేశంగా భారత్ పేరు నిలిచింది.
గత డిసెంబర్ 30న తిరుపతి జిల్లాలోని సతీష్ ధవన్ స్పేస్ సెంటర్ (షార్‌) నుంచి పోలార్ శాటిలైట్ లాంచ్ వెహికల్-సీ60 (పీఎస్‌ఎల్‌వీ) ద్వారా జంట ఉపగ్రహాలను నింగిలోకి పంపించారు.
ప్రయోగ వేదిక నుంచి పీఎస్‌ఎల్‌వీ 15.09 నిమిషాలకు స్పేడెక్స్‌-1బి, 15.12 నిమిషాలకు స్పేడెక్స్‌-1ఎ ఉపగ్రహాలను విడగొట్టింది.
వివరాలు
సాంకేతికతలో భారత్ కూడా ఆ దేశాల సరసన
వీటి డాకింగ్ కోసం మూడు సార్లు ప్రయత్నించినప్పటికీ, పలు కారణాలతో వాయిదా పడింది.
చివరగా గురువారం అనుసంధాన ప్రక్రియను విజయవంతంగా పూర్తి చేశారు.
ఈ క్రమంలో ఉపగ్రహాల మధ్య దూరాన్ని 15 మీటర్ల నుంచి 3 మీటర్లకు తగ్గించి, హోల్డ్ చేసిన తరువాత డాకింగ్ ప్రక్రియను ప్రారంభించారు.
ఈ విజయాన్ని ఇస్రో తన పోస్టులో ప్రకటించి, సాంకేతిక బృందానికి, భారతీయులకు అభినందనలు తెలిపింది.
ఇప్పటి వరకు చైనా, రష్యా, అమెరికా మాత్రమే అంతరిక్షంలో రెండు ఉపగ్రహాలను అనుసంధానం చేశాయి. తాజా ప్రయోగంతో ఈ సాంకేతికతలో భారత్ కూడా ఆ దేశాల సరసన చేరింది.
ట్విట్టర్ పోస్ట్ చేయండి
ఇస్రో ప్రవేశపెట్టిన రెండు ఉపగ్రహాల 'డాకింగ్' సక్సెస్‌
SpaDeX Docking Update:
— ISRO (@isro) January 16, 2025
🌟Docking Success
Spacecraft docking successfully completed! A historic moment.
Let’s walk through the SpaDeX docking process:
Manoeuvre from 15m to 3m hold point completed. Docking initiated with precision, leading to successful spacecraft capture.…