Year Ender 2024: ఈ ఏడాదిలో ఇన్‌స్టాగ్రామ్‌లో అనేక ఫొటోలు, వీడియోలు వైరల్.. సెర్చ్ చేసిన టాప్-10 పోస్టులు ఇవే..
సోషల్ మీడియా యుగంలో ఇన్‌స్టాగ్రామ్ అత్యంత ప్రముఖమైన ప్లాట్‌ఫారమ్‌లలో ఒకటిగా నిలిచింది. ఫేస్‌ బుక్, యూట్యూబ్ తర్వాత ఇన్‌స్టాగ్రామ్ తనకంటూ ప్రత్యేక స్థానం సంపాదించుకుంది. సుమారు 2 బిలియన్ వినియోగదారుల చేత ప్రేమను పొందిన ఈ ప్లాట్‌ఫారమ్ స్మార్ట్‌ఫోన్ వినియోగదారులందరికీ ఇష్టమైనది. ప్రతి ఒక్కరూ తమ ఫోటోలు, వీడియోలను ఇన్‌స్టాగ్రామ్‌లో షేర్ చేయడం ఇప్పుడు సాధారణ విషయంగా మారింది. ఈ క్రమంలో,2024లో ఇన్‌స్టాగ్రామ్‌లో వైరల్ అయిన టాప్ 10పోస్టుల గురించి తెలుసుకోవడం ఆసక్తికరంగా ఉంటుంది. భారతదేశంలో అత్యధికంగా సెర్చ్ చేయబడిన పోస్టులలో భారత క్రికెటర్ విరాట్ కోహ్లీ పోస్ట్ ముందు వరుసలో నిలిచింది. ఐసీసీ టీ-20 వరల్డ్ కప్ విజయాన్ని పురస్కరించుకుని చేసిన ఈ పోస్ట్ 21 మిలియన్లకు పైగా లైక్‌లను పొందింది.
60 మిలియన్ల పైగా లైక్‌లతో world_record_egg
అదే విధంగా, ప్రపంచవ్యాప్తంగా వైరల్ అయిన పోస్టుల్లో ఫుట్‌బాల్ ఛాంపియన్ లియోనెల్ మెస్సీ ఒక పోస్ట్ 75 మిలియన్లకు పైగా లైక్‌లను సంపాదించింది. ఒక ప్రత్యేకమైన ఘటనలో, world_record_egg అనే ఇన్‌స్టాగ్రామ్ ఖాతాలో షేర్ చేసిన గుడ్డు ఫోటో 60 మిలియన్లకు పైగా లైక్‌లతో అందరి దృష్టిని ఆకర్షించింది. అదే సమయంలో, మెస్సీ తన ట్రోఫీ పక్కన నిద్రిస్తున్న ఫోటో leomessi ఖాతాలో 54 మిలియన్లకు పైగా లైక్‌లను పొందింది. మరోవైపు, రొనాల్డో చెస్ ఆడుతున్న ఫోటో cristiano ఖాతాలో 42 మిలియన్లకు పైగా లైక్‌లు పొందింది. అదే విధంగా, మెస్సీ పంచుకున్న మరికొన్ని ఫోటోలు కూడా భారీ స్థాయిలో లైక్‌లను సాధించాయి.
క్రిస్టియానో రొనాల్డో జెర్సీతో దిగిన ఫోటోకి 33మిలియన్ల లైక్‌లు
అవార్డు పట్టుకుని మెస్సీ దిగిన ఫోటో 41మిలియన్ల లైక్‌లు పొందగా,అభిమానులకు అభివాదం చేస్తూ దిగిన మరో ఫోటో 34మిలియన్ల లైక్‌లను పొందింది. క్రిస్టియానో రొనాల్డో జెర్సీతో దిగిన ఫోటో కూడా 33మిలియన్ల లైక్‌లను సంపాదించింది. ఇంకా,jiangzhibin24 అనే ఖాతాలో పంచుకున్న ట్రావెల్ వీడియోలో రోడ్డుపై ప్రయాణించే సమయంలో బంగారు రంగు మేఘాలను చూపిస్తూ నెటిజన్లను ఆకట్టుకుంది. ఈ వీడియో 33 మిలియన్ల లైక్‌లను పొందింది. రొనాల్డో ఫుట్‌బాల్ మైదానంలో నడుస్తున్నఫోటో, xxxtentacion ఖాతాలో విచిత్రమైన హెయిర్ స్టైల్‌తో ఉన్న ఫోటోలు ఒక్కొక్కటి 33మిలియన్ల లైక్‌లతో ఈ జాబితాలో చోటు దక్కించుకున్నాయి. ఇవి 2024లో ఇన్‌స్టాగ్రామ్‌లో అత్యధికంగా వైరల్ అయిన టాప్ 10పోస్టులు. ప్రపంచ వ్యాప్తంగా ఈ ప్లాట్‌ఫారమ్‌కు ఉన్న ప్రజాదరణను తేటతెల్లం చేస్తున్నాయి.
