PAK vs IND: భారత్ వర్సెస్ పాక్ మ్యాచ్.. ఆసక్తికర వ్యాఖ్యలు చేసిన మహ్మద్ రిజ్వాన్
వన్డే వరల్డ్ కప్ 2023లో పాకిస్థాన్ జోరు మీద ఉంది. శ్రీలంక చేసిన భారీ టార్గెట్ పాక్ 10 బంతులు మిగిలి ఉండగానే చేధించి అదరగొట్టింది. ఈ మ్యాచులో పాక్ సీనియర్ స్టార్ బ్యాట్సమెన్ మహ్మద్ రిజ్వాన్(Mohammad Rizwan) 131 పరుగులు చేసి పాక్ విజయంలో కీలక పాత్ర పోషించాడు. తదుపరి మ్యాచులో అహ్మదాబాద్‌ వేదికగా భారత్‌తో పాకిస్థాన్ తలపడనుంది. ఈ నేపథ్యంలో పాక్ ప్లేయర్ మహ్మద్ రిజ్వాన్ ఆసక్తికర వ్యాఖ్యలు చేశాడు. కచ్చితంగా భారత జట్టుపై విజయం సాధిస్తామని ఆయన ధీమా వ్యక్తం చేశాడు. తమ తదుపరి మ్యాచ్ భారత్‌తో జరుగుతుందని, గెలుపు జోష్‌తో బరిలోకి దిగుతామని, అదే ప్రణాళికతో తాము ముందుకెళ్తామని మ్యాచ్ అనంతరం రిజ్వాన్ విలేకరుల సమావేశంలో మాట్లాడారు.
రావల్పిండి లో మ్యాచ్ ఆడినట్లు ఉంది : రిజ్వాన్
హైదరాబాద్‌లో రెండు మ్యాచ్‌లు ఆడిన పాక్, మూడో మ్యాచు కోసం ఆహ్మదాబాద్ వెళ్లేందుకు సిద్ధమైంది. హైదరాబాద్‌లో ప్రేక్షకులు తమపై అపారమైన ప్రేమను చూపించారని, వాస్తవానికి శ్రీలంక జట్టుకు కూడా వారు మద్దతు ఇచ్చారని రిజ్వాన్ చెప్పుకొచ్చాడు. తాను రావల్పిండి ప్రేక్షకుల మధ్య మ్యాచ్ ఆడినట్లు అనిపించిందని వెల్లడించారు. ఆహ్మదాబాద్ వేదికగా జరిగే దయాదుల పోరు కోసం క్రికెట్ ఫ్యాన్స్ ఆసక్తిగా ఎదురుచూస్తున్నారు.
