Loading...
IPL 2027 Captaincy: ఐపీఎల్‌ జట్లను వెంటాడుతున్న కెప్టెన్సీ సమస్య...రేసులో ఎవరున్నారంటే
ఐపీఎల్‌ జట్లను వెంటాడుతున్న కెప్టెన్సీ సమస్య...రేసులో ఎవరున్నారంటే

IPL 2027 Captaincy: ఐపీఎల్‌ జట్లను వెంటాడుతున్న కెప్టెన్సీ సమస్య...రేసులో ఎవరున్నారంటే

వ్రాసిన వారు Balachander Sharma
Nov 18, 2026
02:01 pm

ఈ వార్తాకథనం ఏంటి

ఐపీఎల్‌ 2027 సీజన్‌కు ముందు ఆటగాళ్ల రిటెన్షన్‌, రిలీజ్‌ ప్రక్రియ పూర్తయింది. వచ్చే నెలలో మెగా వేలం జరగనుండటంతో ఇప్పుడు ఫ్రాంచైజీల దృష్టి జట్ల నిర్మాణంపై పడింది. అయితే కొన్ని ప్రముఖ జట్లకు మాత్రం ఆటగాళ్ల ఎంపిక కంటే కెప్టెన్సీ అంశమే పెద్ద ప్రశ్నగా మారింది. ఇప్పటికే కొన్ని కీలక మార్పులు జరిగిన నేపథ్యంలో కొత్త సీజన్‌లో జట్టును ముందుండి నడిపించే ఆటగాడు ఎవరన్నది ఆసక్తిని పెంచుతోంది. ముంబయి, కోల్‌కతా, లఖ్‌నవూ, దిల్లీ, హైదరాబాద్‌ జట్లలో కెప్టెన్సీ రేసు ప్రత్యేకంగా కనిపిస్తోంది.

Details

ముంబయి కెప్టెన్‌గా తిలక్‌ వర్మకే ఛాన్స్‌?

ముంబయి ఇండియన్స్‌లో కెప్టెన్సీ చర్చ మరోసారి హాట్‌టాపిక్‌గా మారింది.

హార్దిక్‌ పాండ్యను పంజాబ్‌కు ట్రేడ్‌ చేసి, అక్కడి నుంచి అర్జీపన్‌ను జట్టులోకి తీసుకున్న నేపథ్యంలో కొత్త నాయకుడి కోసం ఫ్రాంచైజీ ఆలోచించాల్సి వచ్చింది.

జస్ప్రీత్‌ బుమ్రా, సూర్యకుమార్‌ యాదవ్‌, తిలక్‌ వర్మ పేర్లు ప్రధానంగా వినిపిస్తున్నాయి.

మాజీ కెప్టెన్‌ రోహిత్‌ శర్మకు కూడా మరోసారి పగ్గాలు అప్పగించే అవకాశం ఉందనే వార్తలు ఉన్నాయి.

అయితే భవిష్యత్తును దృష్టిలో పెట్టుకుంటే యువ ఆటగాడు తిలక్‌ వర్మకు ఎక్కువ ప్రాధాన్యం దక్కే అవకాశాలు కనిపిస్తున్నాయి.

Details

కేకేఆర్‌ రేసులో రింకూ సింగ్

కోల్‌కతా నైట్‌రైడర్స్‌లో అజింక్య రహానే వీడ్కోలు చెప్పడంతో కెప్టెన్సీ స్థానంలో ఖాళీ ఏర్పడింది.

జట్టులో ఇతర అనుభవజ్ఞుల పేర్లు వినిపిస్తున్నా, రింకూ సింగ్‌ మాత్రం ముందువరుసలో ఉన్నట్టు తెలుస్తోంది.

గత సీజన్లలో వైస్‌ కెప్టెన్‌గా వ్యవహరించిన అనుభవం అతడికి కలిసొచ్చే అంశం. ఇప్పటికే జట్టుతో మంచి అనుబంధం ఉన్న రింకూను పూర్తి స్థాయి కెప్టెన్‌గా ప్రమోట్‌ చేస్తే కొత్త సీజన్‌లో కేకేఆర్‌కు యువ నాయకత్వం లభిస్తుంది.

ADVERTISEMENT

Details

లఖ్‌నవూకు మార్‌క్రమ్‌ అనుభవం ఉపయోగపడుతుందా?

రిషభ్‌ పంత్‌ దిల్లీకి వెళ్లడంతో లఖ్‌నవూ సూపర్‌ జెయింట్స్‌ కూడా కొత్త కెప్టెన్‌ను వెతుక్కోవాల్సి వచ్చింది.

నికోలస్‌ పూరన్‌, మిచెల్‌ మార్ష్‌ వంటి పేర్లు రేసులో ఉన్నా, ఐదెన్‌ మార్‌క్రమ్‌కు ఎక్కువ అవకాశం ఉందనే చర్చ సాగుతోంది.

దక్షిణాఫ్రికా క్రికెట్‌లో నాయకత్వ బాధ్యతలు చేపట్టిన అనుభవంతో పాటు ఐపీఎల్‌లో సన్‌రైజర్స్‌ హైదరాబాద్‌ను నడిపించిన పరిచయం కూడా అతడికి ఉంది.

అందుకే లఖ్‌నవూ కెప్టెన్సీకి మార్‌క్రమ్‌ పేరు బలంగా వినిపిస్తోంది.

ADVERTISEMENT

Details

దిల్లీలో పంత్‌ వర్సెస్‌ అక్షర్‌.. రాహుల్‌ కూడా

రిషభ్‌ పంత్‌ తిరిగి దిల్లీ క్యాపిటల్స్‌లోకి రావడంతో అక్కడ కెప్టెన్సీ పోటీ మరింత ఆసక్తికరంగా మారింది.

పంత్‌ను తీసుకొచ్చిన ప్రధాన కారణాల్లో కెప్టెన్సీ కూడా ఒకటనే అభిప్రాయాలు ఉన్నాయి. అయితే గత సీజన్‌లో జట్టును నడిపించిన అక్షర్‌ పటేల్‌ కూడా బలమైన ప్రత్యామ్నాయం.

మరోవైపు సీనియర్‌ కేఎల్‌ రాహుల్‌ పేరు కూడా వినిపిస్తోంది. దీంతో దిల్లీ పగ్గాలు ఎవరికి దక్కుతాయన్నది వేలానికి ముందే ఆసక్తికరమైన అంశంగా మారింది.

Details

కమిన్స్‌ అందుబాటులో లేకపోతే ఇషాన్‌కు ఛాన్స్

సన్‌రైజర్స్‌ హైదరాబాద్‌కు పాట్‌ కమిన్స్‌ నాయకత్వం గత సీజన్‌లలో ప్రత్యేక గుర్తింపు తీసుకొచ్చింది.

అయితే వచ్చే సీజన్‌కు అతడు ఎంతవరకు అందుబాటులో ఉంటాడన్నది ఇంకా స్పష్టంగా లేదు.

కమిన్స్‌ దూరమైతే ఇషాన్‌ కిషన్‌ పేరు ముందుకు వచ్చే అవకాశం ఉంది. గత సీజన్‌ తొలి భాగంలో అతడు జట్టుకు నాయకత్వం వహించాడు.

దూకుడైన ఆటకు పేరున్న అభిషేక్‌ శర్మ కూడా కెప్టెన్సీ రేసులోకి వచ్చే అవకాశం ఉంది. దీంతో ఐపీఎల్‌ 2027 వేలానికి ముందే కెప్టెన్సీ వ్యవహారం ఫ్రాంచైజీలకు కీలక చర్చగా మారింది.

ADVERTISEMENT