Virat-Rohit: ప్రపంచంలోనే ఫిట్ నెస్ ప్లేయర్ కోహ్లీ.. అతని బాటలోనే రోహిత్ : బీసీసీఐ కండీషనింగ్ కోచ్
ఈ వార్తాకథనం ఏంటి
టీమిండియా ప్రముఖ క్రికెటర్ విరాట్ కోహ్లీ(Virat Kohli) గురించి ప్రత్యేకంగా చెప్పాల్సిన పనిలేదు.
కోహ్లీ తన ఫిట్ నెస్ కోసం ఎప్పుడూ కష్టపడుతూ ఉంటాడు.
ఫిట్ నెస్ విషయంలో విరాట్ కోహ్లీ తీసుకొనే శ్రద్ధ మరే క్రికెటర్ లోనూ కనిపించదు.
అయితే టీమిండియా కెప్టెన్ రోహిత్ శర్మ (Rohit Sharma) కూడా అదే స్థాయిలో ఫిట్‌గా ఉంటాడని బీసీసీఐ కండీషనింగ్ కోచ్ అంకిత్ కాలియర్ పేర్కొన్నాడు.
రోహిత్ శర్మ కాస్త బొద్దుగా కనిపించినా, దానార్థం అతను ఫిట్ గా లేడని మాత్రం కాదని, హిట్ మ్యాన్ ఎన్నోసార్లు యో-యో టెస్టును విజయవంతగా పాస్ అయినట్లు అంకిత్ కాలియర్ గుర్తు చేశాడు.
Details
రోహిత్ శర్మ ఫిట్ ప్లేయర్ అనడంలో ఎలాంటి సందేహము లేదు
రోహిత్ శర్మ ఫిట్ ప్లేయర్ అని, అందులో ఎలాంటి అనుమానం లేదని అంకిత్ కాలియర్ పేర్కొన్నాడు.
ఫిట్ ఉండే జాబితాలో రోహిత్ కూడా ఉంటాడని, ఇక ప్రపంచంలోనే అత్యుత్తమ అథ్లెట్ ఎవరంటే కోహ్లీ పేరు కూడా వస్తుందన్నారు.
కోహ్లీలా మారడానికి మాత్రం కఠినమైన షెడ్యూల్ తయారు చేసుకోవాలని, అతను మ్యాచులు ఆడకపోయినా సరే డైట్, ట్రైనింగ్ మిస్ కాడని వెల్లడించాడు.
మరోవైపు టీమిండియా యువ ఓపెనర్ శుభమాన్ గిల్ కూడా ఫిట్ నెస్ విషయంలో జాగ్రత్తలు తీసుకుంటాడని చెప్పాడు.
అయితే నైపుణ్యాలపరంగా భవిష్యతులో గిల్ దేశం కోసం అద్భుతమైన క్రికెట్ ఆడతాడని అంకిత్ వివరించాడు.