Champions Trophy Jersey: టీమిండియా జెర్సీపై 'పాకిస్థాన్' పేరు.. సోషల్ మీడియాలో ఫాన్స్ రచ్చ!
ఈ వార్తాకథనం ఏంటి
ఛాంపియన్స్ ట్రోఫీ ఆరంభానికి మరొక రోజు మాత్రమే మిగిలి ఉంది.
ఫిబ్రవరి 19న ఛాంపియన్స్ ట్రోఫీ తొలి మ్యాచ్ జరుగనుండగా, ఆ తరువాత రోజు బంగ్లాదేశ్‌తో పోటీలో టీమిండియా సిద్ధమవుతోంది.
టీమిండియా క్రికెటర్లు కూడా కొత్త జెర్సీలతో ఫొటోలకు పోజు ఇచ్చి వాటిని సోషల్ మీడియాలో పోస్ట్ చేశారు.
బీసీసీఐ కూడా అధికారికంగా ఆ ఫొటోలను తన అధికారిక అకౌంట్స్‌లో పోస్ట్ చేసింది.
వివరాలు
భారత జెర్సీలపై పాకిస్తాన్ పేరు ఉండకూడదని ఫ్యాన్స్ హడావుడి
టీమిండియా జెర్సీపై పాకిస్థాన్ పేరు ఉండటంతో కొంతమంది క్రికెట్ అభిమానులు ఆశ్చర్యానికి గురయ్యారు.
పాకిస్తాన్ జట్టు ఆతిథ్యం ఇస్తుండటంతో ఆ దేశం పేరును ప్రతి జట్టు జెర్సీపై ఉంచుతారు.
అయితే, గతంలో భారత జెర్సీలపై పాకిస్తాన్ పేరు ఉండకూడదని ఫ్యాన్స్ హడావుడి చేశారు.
పాకిస్తాన్ ఆరంభ వేడుకల్లో భారతదేశ జాతీయ జెండా కనిపించకపోవడం, ఆ తరువాత రోజే టీమిండియా జెర్సీపై పాకిస్తాన్ పేరు ఉండటంతో అభిమానులు దీన్ని తట్టుకోలేకపోతున్నారు.
ఈ వివాదంపై బీసీసీఐ ఇప్పటికే క్లారిటీ ఇచ్చింది. ఐసీసీ ఆదేశాలను అనుసరించడం తప్పనిసరి అని భారత క్రికెట్ బోర్డు స్పష్టం చేసింది.
వివరాలు
ఐసీసీ రూల్స్‌ను అతిక్రమించాలనుకోము: బీసీసీఐ
ఐసీసీ రూల్స్‌ను అతిక్రమించాలనుకోమని, పాకిస్తాన్ పేరును జెర్సీపై ఉంచుతామని బీసీసీఐ ప్రకటించింది.
పాకిస్తాన్ జెర్సీలపై పేరు తొలగించాలనే డిమాండ్ తాము ఐసీసీకి చేసే ఆలోచన లేదని బీసీసీఐ సెక్రటరీ దేవజిత్ సైకియా వెల్లడించారు.
కరాచీలో జరిగిన ఛాంపియన్స్ ట్రోఫీ ఆరంభ వేడుకల్లో భారత జెండా పాకిస్తాన్ ప్రదర్శించలేదు.
ట్రోఫీలో పాల్గొనడానికి తమ దేశం రాకపోవడం వల్లనే పాకిస్తాన్ క్రికెట్ బోర్డు ఈ చర్య తీసుకున్నది.
అయితే, పాకిస్తాన్ చేసిన చర్యకు ప్రతిచర్య లేకుండా, టీమిండియా జెర్సీపై పాకిస్తాన్ పేరు ఉంచడం, బీసీసీఐ ఈ విషయంలో చాలా హుందాగా వ్యవహరించింది.