Anantapur: తెలుగు క్రికెట్ అభిమానులకు పండగే.. అనంతపురంలో టీమిండియా స్టార్ క్రికెటర్లు..
ఈ వార్తాకథనం ఏంటి
అనంతపురానికి టీమిండియా క్రికెటర్లు వచ్చారు. దులీప్ ట్రోఫీ ఆడేందుకు భారత క్రికెట్ ఆటగాళ్లు ఇక్కడకు చేరుకున్నారు.
ఈ నెల 5 నుంచి అనంతపురం ఆర్డీటీ స్టేడియంలో మ్యాచ్‌లు జరుగనున్నాయి. టీమిండియా క్రికెటర్ల రాక తెలుగు క్రికెట్ అభిమానులకు పెద్ద ఆనందాన్ని కలిగించిందని చెప్పుకోవాలి.
ఎందుకంటే, అందరి అభిమాన ఆటగాళ్లను ఒకే చోట చూడటానికి ఇదే మంచి అవకాశం.
దేశవాళీ క్రికెట్‌లో కీలకమైన దులీప్ ట్రోఫీ సెప్టెంబర్ 5 నుంచి 24 వరకు జరుగుతుంది. ఈ ట్రోఫీ కింద 6 మ్యాచ్‌ల్లో 5 మ్యాచ్‌లు అనంతపురంలోనే నిర్వహిస్తారు.
వివరాలు
ఈ సారి దులీప్ ట్రోఫీ కొంత భిన్నంగా..
ఇందులో టీమిండియా ప్రముఖ ఆటగాళ్లు పాల్గొంటున్నారు, వీరిలో కేఎల్ రాహుల్, తిలక్ వర్మ, రిషభ్ పంత్, మహ్మద్ సిరాజ్, శుభ్మన్ గిల్, శ్రేయస్ అయ్యర్, అర్ష్ దీప్ సింగ్, అక్షర్ పటేల్ వంటి వారు ఉన్నారు.
అయితే, విరాట్ కోహ్లీ, రోహిత్ శర్మ, అశ్విన్, బుమ్రాలకు విశ్రాంతి ఇచ్చారు. ఈ సారి దులీప్ ట్రోఫీ కొంత భిన్నంగా ఉండనుంది.
గతంలో ఈస్ట్,వెస్ట్,సౌత్, నార్త్,సెంట్రల్,నార్త్ ఈస్ట్ జోన్లు ఉండేవి.కానీ,ఈ సారి టీమిండియా ఆటగాళ్లు పాల్గొనడం వల్ల టోర్నీని ఇండియా A, B, C, D జట్లుగా విభజించారు.
ఇందులో ఇండియా 'A' జట్టుకు శుభ్మన్ గిల్,'B' జట్టుకు అభిన్యు ఈశ్వరన్,'C' జట్టుకు రుతురాజ్ గైక్వాడ్, 'D' జట్టుకు శ్రేయస్ అయ్యర్ కెప్టెన్లుగా ఉండనున్నారు.