Florida airport: ఫ్లోరిడాలోని విమానాశ్రయంలో వెలుగు చూసిన దారుణం..విమాన ల్యాండింగ్ గేర్ లో మృతదేహాలు
ఈ వార్తాకథనం ఏంటి
అమెరికాలో ఓ దారుణ ఘటన వెలుగులోకి వచ్చింది. ఫ్లోరిడాలోని ఓ విమానాశ్రయంలో జెట్‌బ్లూ విమానం ల్యాండింగ్ గేర్ ప్రాంతంలో రెండు గుర్తు తెలియని వ్యక్తుల మృతదేహాలు కనపడ్డాయి, ఇది పెద్ద సంచలనాన్ని సృష్టించింది.
విమానం తనిఖీ జరుగుతున్నపుడు, ఈ మృతదేహాలు గుర్తించబడ్డాయి.
ఈ సంఘటనకు సంబంధించిన మరిన్ని వివరాలు ఇంకా వెలుగులోకి రాలేదు.
వివరాలు
అమెరికాలో గత నెల రోజులలో ఈ తరహా ఘటన ఇది రెండోసారి
జెట్‌బ్లూ సంస్థ తెలిపిన ప్రకారం, వారి విమానం న్యూయార్క్‌ ప్రాంతంలోని జాన్ ఎఫ్. కెనెడీ అంతర్జాతీయ విమానాశ్రయం నుంచి ఫ్లోరిడాలోని ఫోర్ట్ లాడర్‌డేల్ విమానాశ్రయానికి బయలుదేరింది. విమానం ల్యాండింగ్ గేర్ ప్రాంతాన్ని తనిఖీ చేస్తుండగా, అక్కడ రెండు మృతదేహాలు కనిపించాయి.
ఇదిలా ఉంటే, అమెరికాలో గత నెల రోజులలో ఈ తరహా ఘటన ఇది రెండోసారి.
డిసెంబర్ నెలలో షికాగో నుంచి మౌయి విమానాశ్రయానికి వెళ్ళిన ఓ యునైటెడ్ ఎయిర్‌లైన్స్ విమానంలో కూడా ల్యాండింగ్ గేర్‌లో ఓ మృతదేహం లభ్యమైంది.