USA: ప్రధాని మోదీ, పుతిన్, జిన్‌పింగ్ SCO వీడియోతో.. ట్రంప్‌కు గట్టి కౌంటర్ ఇచ్చిన కాలిఫోర్నియా గవర్నర్
ఈ వార్తాకథనం ఏంటి
భారీ సుంకాల విధింపుతో భారత-అమెరికా సంబంధాలు గందరగోళంలోకి వెళ్లాయి. ఈ నేపథ్యంలో భారత ప్రధాని నరేంద్ర మోదీ చైనాలో పర్యటించడం,అక్కడి అధ్యక్షుడు షీ జిన్‌పింగ్, రష్యా అధ్యక్షుడు వ్లాదిమిర్ పుతిన్‌లతో భేటీ కావడం ఆసక్తి రేకెత్తించాయి. ముగ్గురు అధినేతలు కలిసి ఉన్న వీడియోను కాలిఫోర్నియా గవర్నర్ గవిన్ న్యూసమ్ ఎక్స్‌లో పోస్టు చేసి, అమెరికా అధ్యక్షుడు డొనాల్డ్ ట్రంప్‌కు కౌంటర్ ఇచ్చారు. ఎస్‌సీవో సదస్సులో మోదీ, షీ జిన్‌పింగ్, పుతిన్‌లు భేటీ అయ్యారు.ఈ సమావేశంలో రష్యా అధ్యక్షుడు పుతిన్,భారత ప్రధాని మోదీ చేతులు పట్టుకొని నడుస్తూ జిన్‌పింగ్ వద్దకు వెళ్తున్న దృశ్యం న్యూసమ్ తన సోషల్ మీడియా ఖాతాలో షేర్ చేశారు. దీనికి కింద'భయపడకండి.. ట్రంప్ తన గార్డులను షికాగోకు పంపుతున్నారు'అని పేర్కొన్నారు.
వివరాలు
దేశ రాజధాని వాషింగ్టన్‌లో కూడా నేషనల్ గార్డ్ బలగాలను మోహరిస్తున్నట్లు ప్రకటించిన ట్రంప్
ఈ వ్యాఖ్య ట్రంప్ షికాగోలో నేరాల,అక్రమ వలసలను అరికట్టడంలో చేసిన ప్రణాళికలకు వ్యతిరేకంగా వ్యంగ్యంగా ఉద్దేశించబడినట్టు కనిపిస్తోంది. దేశంలో శాంతిభద్రతకు సంబంధించిన అంశాల్లో, ట్రంప్ కొన్ని కీలక నిర్ణయాలు తీసుకున్న విషయం తెలిసిందే. అందులో భాగంగా, షికాగో, న్యూయార్క్‌లలో నేషనల్ గార్డ్స్ నియమించే యోచనలో ఉన్నట్టు ఆయన ప్రకటించారు. ఈ ప్రకటనపై దేశవ్యాప్తంగా తీవ్ర విమర్శలు వినిపించాయి. అంతేకాదు, అక్రమ వలసదారులపై చర్యలు చేపట్టడానికి లాస్ ఏంజెలెస్‌లో ఫెడరల్ అధికారులు చేసిన తనిఖీలు సామాజిక ఉద్రిక్తతలకు దారితీసినప్పటికీ, ట్రంప్ అక్కడ నేషనల్ గార్డ్ బలగాలను కదిలించారు. ఆ సమయంలో న్యూసమ్ దీన్ని తీవ్రంగా ఖండించారు. తాజాగా, అమెరికా రాజధాని వాషింగ్టన్‌లో కూడా ట్రంప్ నేషనల్ గార్డ్ బలగాలను మోహరిస్తున్నట్లు ప్రకటించారని సమాచారం ఉంది.
ట్విట్టర్ పోస్ట్ చేయండి
గవిన్ న్యూసమ్ చేసిన ట్వీట్
But have no fear, Trump is sending the Guard to Chicago. pic.twitter.com/yTK5Uhxkde
— Gavin Newsom (@GavinNewsom) September 1, 2025