Polluted Countries: 2024లో ప్రపంచంలోనే అత్యంత కలుషిత దేశాలుగా.. బంగ్లాదేశ్,చాడ్
ఈ వార్తాకథనం ఏంటి
ప్రపంచంలోని అత్యంత కాలుష్య దేశాల జాబితా వెల్లడైంది తాజా నివేదిక ప్రకారం, ప్రపంచంలో అత్యంత కాలుష్యపూరిత దేశాల జాబితాలో భారత్ ఐదో స్థానాన్ని ఆక్రమించింది.
చాడ్ దేశం అత్యంత కాలుష్య దేశంగా ప్రథమ స్థానంలో నిలిచింది.
ఈ జాబితాలో బంగ్లాదేశ్ రెండో స్థానాన్ని,పాకిస్థాన్ మూడో స్థానాన్ని, కాంగో నాలుగో స్థానాన్ని ఆక్రమించగా, భారతదేశం ఐదవ స్థానంలో ఉంది.
భారతదేశంలో అత్యంత కాలుష్యపూరిత ప్రాంతంగా అస్సాంలోని బర్నిహాట్ గుర్తించబడింది.
ఈ సమాచారం ఐక్యూ ఎయిర్ రిపోర్టు ద్వారా వెల్లడైంది. ప్రపంచవ్యాప్తంగా కేవలం 17 శాతం నగరాలే ప్రపంచ ఆరోగ్య సంస్థ (WHO) వాయు కాలుష్య మార్గదర్శకాలను పాటిస్తున్నట్లు ఈ నివేదిక తెలియజేస్తోంది.
వివరాలు
భారతదేశంలో అత్యంత కాలుష్య నగరాలు
2024లో, అస్సాంలోని బర్నిహాట్ భారతదేశంలో అత్యంత కాలుష్యపూరిత మెట్రోపాలిటన్ నగరంగా నిలిచింది.
అక్కడ PM2.5 స్థాయి సగటున 128.2 µg/m³గా నమోదైంది. ఆసియా ఖండం ముఖ్యంగా మధ్య, దక్షిణాసియా ప్రాంతాల్లో కాలుష్యం అధికంగా ఉండడంతో, ప్రపంచంలోని తొమ్మిది అత్యంత కాలుష్య నగరాల్లో ఆరు భారతదేశంలోనే ఉన్నాయి.
2024లో ప్రపంచంలో అత్యంత కాలుష్య దేశాలు:
చాడ్
బంగ్లాదేశ్
పాకిస్తాన్
కాంగో
భారతదేశం
వివరాలు
ప్రపంచంలోని అత్యంత కాలుష్య నగరాలు - భారతదేశం అగ్రస్థానంలో!
ప్రపంచంలో అత్యంత కాలుష్య నగరాల్లో అధికశాతం భారతదేశంలోనే ఉన్నాయి. ప్రపంచవ్యాప్తంగా 20 అత్యంత కలుషిత నగరాల్లో 13 నగరాలు భారతదేశానికి చెందినవే.
ముఖ్యంగా మేఘాలయలోని బర్నిహాట్ ఈ జాబితాలో అగ్రస్థానంలో ఉంది. ప్రపంచంలో అత్యంత కాలుష్య రాజధాని నగరం ఢిల్లీగా కొనసాగుతున్నట్లు నివేదిక వెల్లడించింది.
2024లో స్విస్ ఎయిర్ క్వాలిటీ టెక్నాలజీ కంపెనీ ఐక్యూ ఎయిర్ విడుదల చేసిన "వరల్డ్ ఎయిర్ క్వాలిటీ రిపోర్టు 2024" ప్రకారం, ఢిల్లీ ప్రపంచంలోనే అత్యంత కాలుష్య రాజధానిగా నిలిచింది.
వివరాలు
భారతదేశంలో వాయు కాలుష్యం - పెరుగుతున్న ముప్పు
నివేదిక ప్రకారం, 2024 నాటికి భారతదేశంలో PM2.5 స్థాయిలు 7% తగ్గినప్పటికీ, ఇది క్యూబిక్ మీటర్‌కు సగటున 50.6 మైక్రోగ్రాములుగా ఉంది.
కానీ ప్రపంచంలోని అత్యంత కాలుష్య నగరాల్లో భారతదేశానికి చెందిన ఆరు నగరాలు ఉండటం ఆందోళన కలిగించే విషయం.
ఢిల్లీలో కాలుష్య స్థాయిలు స్థిరంగా అధికంగా ఉంటూ వస్తున్నాయి. 2024లో అక్కడ వార్షిక సగటు PM2.5 స్థాయి 91.6 µg/m³గా నమోదైంది.
2023లో ఇది 92.7 µg/m³గా ఉండేది, అంటే పెద్దగా మార్పు లేదని స్పష్టంగా తెలుస్తోంది.
వాయు కాలుష్యం భారతదేశంలో ప్రజల ఆరోగ్యాన్ని తీవ్రంగా ప్రభావితం చేస్తోంది.
నివేదిక ప్రకారం, దీని ప్రభావం వల్ల సగటు ఆయుర్దాయం 5.2 సంవత్సరాలు తగ్గుతోందని విశ్లేషకులు హెచ్చరిస్తున్నారు.
వివరాలు
PM2.5 అంటే ఏమిటి?
లాన్సెట్ ప్లానెటరీ హెల్త్ స్టడీ ప్రకారం, 2009 నుంచి 2019 మధ్య భారతదేశంలో ప్రతి ఏడాది సుమారు 1.5 మిలియన్ మరణాలు వాయు కాలుష్యం కారణంగా సంభవించాయి.
PM2.5 అంటే గాలిలో ఉండే 2.5 మైక్రాన్ల కంటే చిన్న సూక్ష్మ ధూళి కణాలను సూచిస్తుంది.
ఇవి ఊపిరితిత్తుల్లోకి చేరి రక్తప్రవాహంలోకి వెళ్ళి శ్వాసకోశ వ్యాధులు, గుండె సంబంధిత సమస్యలు, క్యాన్సర్ వంటి అనేక రుగ్మతలకు దారితీసే ప్రమాదం ఉంది.
వాహనాల పొగ, పరిశ్రమల ఉద్గారాలు, పంట అవశేషాల దహనం వంటి కారణాల వల్ల వాయు కాలుష్యం పెరుగుతోంది.
వివరాలు
అమెరికాలో కాలుష్యం స్థాయి ఏంత?
అమెరికాలో అత్యంత కాలుష్య నగరంగా కాలిఫోర్నియాలోని లాస్ ఏంజిల్స్ నిలిచింది.
అలాగే, కాలిఫోర్నియాలోని ఒంటారియో నగరం అమెరికాలో అత్యంత కాలుష్యపూరిత ప్రాంతంగా గుర్తించబడింది.
మరోవైపు, వాషింగ్టన్‌లోని సియాటెల్ అమెరికాలో అత్యంత పరిశుభ్రమైన ప్రధాన నగరంగా నిలిచింది.
ప్రపంచంలో అత్యంత పరిశుభ్రమైన ప్రాంతం ఏది?
2024 నాటికి ఓషియానియా ఖండం ప్రపంచంలోనే అత్యంత పరిశుభ్రమైన ప్రాంతంగా గుర్తించబడింది.