Donald Trump: ఆటో మొబైల్ పరిశ్రమపై సుంకాల ప్రభావాన్ని డొనాల్డ్ ట్రంప్ తగ్గించే అవకాశం..?
ఈ వార్తాకథనం ఏంటి
అమెరికా అధ్యక్షుడు డొనాల్డ్ ట్రంప్ ఆటో మొబైల్ పరిశ్రమపై తన వైఖరిని కొంత మెత్తబడిన రీతిలో మార్చేందుకు సిద్ధమయ్యారని, ఈ నేపథ్యంలో ఆయన కీలక నిర్ణయం తీసుకున్నారని అక్కడి మీడియా సంస్థలు నివేదించాయి.
ట్రంప్ తన పాలనలో తొలి వంద రోజులు పూర్తవుతున్న సందర్భంలో డెట్రాయిట్‌లో మంగళవారం నిర్వహించాల్సిన ర్యాలీకి ముందు ఈ నిర్ణయం తీసుకున్నట్లు సమాచారం.
ప్రస్తుతం కార్లను దిగుమతి చేసుకొంటున్న కంపెనీలకు 25శాతం పన్ను తప్ప మిగతా ఇతర పన్నుల నుంచి మినహాయింపు లభించే అవకాశం ఉంది.
అంటే స్టీల్, అల్యూమినియం వంటి దిగుమతులపై పన్ను సడలింపు చెల్లించాల్సిన అవసరం లేకుండా ఉంటుంది.
ఈ విషయాన్ని ప్రముఖ అమెరికా పత్రిక వాల్‌స్ట్రీట్‌ జర్నల్ వెల్లడించింది.
వివరాలు
సుంకాల యుద్ధంలో ప్రభావితమైన కీలక రంగాల్లో ఆటో మొబైల్ ఒకటి
అంతేకాదు, విదేశాల నుంచి దిగుమతయ్యే ఆటో మొబైల్ విడిభాగాలపై వసూలు చేయాల్సిన చార్జీలను కూడా ట్రంప్ ప్రభుత్వం తాత్కాలికంగా ఉపసంహరించనుంది.
అసలు ఈ లెవీలు మే 3వ తేదీ నుంచి అమల్లోకి రావాల్సి ఉండగా, ఇప్పుడు వాటిపై మినహాయింపు లభించే అవకాశాలు కనిపిస్తున్నాయి.
ట్రంప్ చేపట్టిన సుంకాల యుద్ధంలో ఆటో మొబైల్ రంగం తీవ్రంగా ప్రభావితమైన కీలక రంగాల్లో ఒకటిగా నిలిచింది.
మెక్సికో, కెనడా వంటి దేశాల నుంచి కార్ల దిగుమతులు వ్యయభారితమవడంతో చాలా కంపెనీలు దూరంగా ఉండాల్సి వచ్చింది.
అయితే, ఈ రెండు దేశాల్లోనూ అమెరికా కార్ల తయారీ కంపెనీలు మేటి స్థాయిలో పెట్టుబడులు పెట్టి ఉన్నాయి.
వివరాలు
అమెరికాలోనే కార్ల తయారీకి మరింత అనుకూల వాతావరణం
ట్రంప్ తన మొదటి పాలన సమయంలో నార్త్ అమెరికా ఫ్రీట్రేడ్ అగ్రిమెంట్ (NAFTA)పై చర్చలు ప్రారంభించడంతో ఆ పెట్టుబడుల కొనసాగింపుకు అవకాశమిచ్చారు.
అయితే, దాంతో కార్ల ధరలు పెరిగే అవకాశముండటంతో అమ్మకాలు పడిపోవచ్చన్న భయాలు మార్కెట్లో నెలకొన్నాయి.
ఇక అమెరికా వాణిజ్య మంత్రి హూవర్డ్ లుట్నిక్ మాట్లాడుతూ, దేశీయ పరిశ్రమలకు బలోపేతం కల్పించే కీలక భాగస్వామ్యాల నిర్మాణానికి ఇది ఓ పెద్ద ముందడుగని అన్నారు.
''దేశీయ ఆటో పరిశ్రమను వృద్ధి దిశగా తీసుకెళ్లేందుకు ట్రంప్ తీసుకునే డీల్ ఆయన వాణిజ్య విధానాల విజయానికి సంకేతంగా నిలుస్తుంది. అమెరికాలోనే కార్ల తయారీకి మరింత అనుకూల వాతావరణం ఏర్పడుతుంది'' అని ఆయన అభిప్రాయపడ్డారు.
ఈ తాజా నిర్ణయాన్ని అమెరికాలో ఆటో మొబైల్ రంగం ఉత్సాహంగా స్వీకరించింది.