Hassan Nasrallah: మరణానికి ముందే కాల్పుల విరమణకు అంగీకరించిన హిజ్బుల్లా చీఫ్ నస్రల్లా : లెబనాన్ మంత్రి
ఇజ్రాయెల్ హిజ్‌బొల్లా చీఫ్ హసన్ నస్రల్లాను హతమార్చిన తర్వాత, పశ్చిమాసియాలో యుద్ధ భయాలు పెరిగిపోయాయి. ఈ నేపథ్యం మధ్య, లెబనాన్ ఒక ముఖ్యమైన అంశాన్ని ప్రకటించింది. లెబనాన్ మంత్రి అబ్దుల్లా బౌ హబీబ్, నస్రల్లా కాల్పుల విరమణకు ముందే అంగీకరించినట్లు తెలిపారు. అయితే కొంత సమయానికే బీరుట్‌లో నస్రల్లాను చంపినట్లు వ్యాఖ్యానించారు.
కాల్పుల విరమణకు యూరోపియన్ యూనియన్,పలు అరబ్ దేశాలు మద్దతు
"హెజ్‌బొల్లాతో లెబనాన్ హౌస్‌స్పీకర్ నబిహ్ బెర్రి సంప్రదింపులు జరిపారు. ఈ సందర్భంలో, నస్రల్లా కాల్పుల విరమణకు అంగీకరించాడు. ఈ విషయాన్ని అమెరికా, ఫ్రాన్స్‌కు తెలియజేశాం. ఇద్దరు అధ్యక్షుల ప్రకటనకు ఇజ్రాయెల్ ప్రధాని బెంజమిన్ నెతన్యాహు కూడా అంగీకరించినట్లు సమాచారం," అని అబ్దుల్లా పేర్కొన్నారు. ఇజ్రాయెల్-హెజ్‌బొల్లా మధ్య ఒప్పందానికి అమెరికా, ఫ్రాన్స్, ఇతర దేశాలు తీవ్రంగా ప్రయత్నించాయి. 21 రోజుల పాటు కాల్పుల విరమణకు ఇరువర్గాలు అంగీకరించాలని తీర్మానించాయి, దీనికి యూరోపియన్ యూనియన్,పలు అరబ్ దేశాలు మద్దతు ఇచ్చాయి. ఇరువర్గాలు త్వరలో దీనిని అమలులోకి తీసుకోవాలని కోరారు. అమెరికా అధ్యక్షుడు జో బైడెన్, ఫ్రాన్స్ అధ్యక్షుడు మాక్రాన్ సంయుక్త ప్రకటన చేశారు. అయితే, నెతన్యాహు ఈ ప్రతిపాదనను తిరస్కరించారు.
ఖమేనీ సందేశం మోసుకెళ్లిన ఇరానియన్ రివల్యూషనరీ గార్డ్స్ కమాండర్ మృతి
ఈ సమయంలో, ఇజ్రాయెల్ నస్రల్లా లక్ష్యంగా బీరుట్‌పై దాడి చేసింది. దక్షిణ లెబనాన్‌లోని దాహియాలో హెజ్‌బొల్లా ప్రధాన కార్యాలయంపై తీవ్రమైన దాడులు జరిగాయి. ఈ దాడిలో దాహియా,బీరుట్‌లో అనేక ప్రాంతాలు ధ్వంసమయ్యాయి. ఈ ఘటనలో నస్రల్లా మృతిచెందినట్లు సమాచారం. ఇరాన్ సుప్రీమ్ నేత అయాతుల్లా ఖమేనీ, నస్రల్లా తన ప్రాంతాన్ని వీడాలని ముందుగానే హెచ్చరించినట్లు అంతర్జాతీయ మీడియా కథనాలు పేర్కొన్నాయి. ఆయన లెబనాన్‌ను వీడి ఇరాన్‌కు వెళ్లాలని ఖమేనీ చొరవ చూపించారు. కాగా నస్రల్లాను హత్య చేయాలని ఇజ్రాయెల్ ప్రయత్నిస్తున్నట్లు పేర్కొన్నారు. అయితే, ఖమేనీ సందేశం మోసుకెళ్లిన ఇరానియన్ రివల్యూషనరీ గార్డ్స్ కమాండర్ కూడా ఈ దాడిలో ప్రాణాలు కోల్పోయినట్లు సమాచారం.
ఇజ్రాయెల్ ఎలా స్పందించదోనన్న ఆందోళన
ప్రస్తుతంలో, ప్రపంచం పశ్చిమాసియాలో జరుగుతున్న ఘటనలపై చూపిస్తున్న ఉత్కంఠ పెరిగింది. ఇక్కడ చోటుచేసుకున్న అగ్ని ఎంత భయంకరమైన దిశగా మలుచుకుంటుందో అన్న ఆందోళన విస్తృతంగా ఉంది. ఇరాన్ బాలిస్టిక్ క్షిపణులు ఇజ్రాయెల్‌పై దాడి చేసిన నేపథ్యంలో, ఇజ్రాయెల్ ఎలా స్పందించదోనన్న ఆందోళన నెలకొంది. ఇరాన్‌పై దాడి చేయాలని ఇజ్రాయెల్ నిర్ణయించినట్లు సమాచారం, ఈ దాడిలో ఇరాన్ అణుస్థావరాలు, ఆర్థిక మూలాలను లక్ష్యంగా చేసుకోవాలనుకుంటున్నట్లు తెలుస్తోంది. ఇందులో ఖమేనీ కూడా ఉన్నట్లు సమాచారం.
