Laura Loomer: ట్రంప్ ప్రచారంలో వినిపిస్తున్న లారా లూమర్ పేరు.. ఈమె ఎవరు..?
ఈ వార్తాకథనం ఏంటి
అమెరికా అధ్యక్ష ఎన్నికలు మరికొన్ని రోజులలో జరగనున్నాయి. డెమొక్రాటిక్ పార్టీ తరుపున ఉపాధ్యక్షురాలు కమలా హారిస్, రిపబ్లికన్ పార్టీ తరుపున డొనాల్డ్ ట్రంప్ మధ్య రసవత్తరమైన పోరు నడుస్తోంది.
అయితే, తాజాగా అమెరికాలో "లారా లూమర్" అనే 31 ఏళ్ల యువతి సంచలనం రేపుతోంది.
ఫార్-రైట్, జాతీయవాద భావాలతో ఉన్న లారా, ట్రంప్ ప్రచారంలో తరచుగా కనిపించడం రిపబ్లికన్లతో పాటు అక్కడి మీడియాలో ఆందోళన రేకెత్తిస్తోంది.
లూమర్ వివాదాస్పద చరిత్ర గురించి రిపబ్లికన్ పార్టీలో కొందరు నేతలు కూడా ఆందోళన చెందుతున్నారు.
వివరాలు
లారా లూమర్ ఎవరు?
ముస్లిం వ్యతిరేక భావాలతో ప్రసిద్ధి చెందిన లారా లూమర్, ఇటీవల డొనాల్డ్ ట్రంప్‌తో కలిసి కనిపించారు.
9/11 దాడుల గురించి ఆమె చేసిన వ్యాఖ్యలు వివాదాస్పదంగా మారాయి.ఆమె ఈ ఘటనను మనదేశంలో నివసించే వారి పనే అంటూ కామెంట్స్ చేసింది.
9/11 దాడుల జ్ఞాపకార్థం జరిగిన కార్యక్రమంలో ట్రంప్‌తో లూమర్ చేరారు. ఈ కలయికపై పలు మీడియా సంస్థలు ఆగ్రహం వ్యక్తం చేశాయి.
ట్రంప్ అధ్యక్షుడు డిబేట్ సమయంలో ఆమె ఫిలడెల్ఫియా వెళ్లారు. చర్చ సందర్భంగా హైతీ నుండి వచ్చిన వలసదారులు ఓహియోలో పెంపుడు జంతువులను తింటున్నారని ఆరోపణలు చేశారని లూమర్ ఒక రోజు ముందు ఇదే విధంగా వ్యాఖ్యానించారు.
వివరాలు
లూమర్ అభిప్రాయాలు
ట్రంప్‌తో లూమర్ సంబంధం అస్పష్టంగా ఉన్నప్పటికీ, ఆమెను ట్రంప్‌తో చూడడంపై రిపబ్లికన్లలో కూడా ఆందోళన వ్యక్తమవుతున్నట్లు స్థానిక మీడియా తెలిపింది.
కొంతమంది లూమర్ ట్రంప్ చర్చల్లో జోక్యం చేసుకోలేదని, ఆమెను సానుకూల వ్యక్తిగా అభివర్ణించారు.
రిపబ్లికన్ కన్సల్టెంట్ డెన్నిస్ లెనాక్స్ ట్రంప్ చర్చల పనితీరును విమర్శించారు, దీనికి లూమర్ వంటి వ్యక్తులపై ఆధారపడటం కారణమని చెప్పారు.
అయితే,లూమర్ తను స్వతంత్రంగా పనిచేస్తున్నాని ఎక్స్‌లో పేర్కొన్నారు. ట్రంప్‌ను ''మన దేశం చివరి ఆశ''గా అభివర్ణించారు. తన పరిశోధనల్లో బిజీగా ఉన్నానని, మీడియా రిపోర్టులను ఖండించారు.
వివరాలు
లూమర్ నేపథ్యం ఇదే
1993లో అరిజోనాలో జన్మించిన లూమర్, ప్రాజెక్ట్ వెరిటాస్, ఇన్ఫోవర్స్ వంటి సంస్థలకు యాక్టివిస్ట్, కామెంటేటర్‌గా పనిచేశారు.
2020లో, ఆమె ఫ్లోరిడాలోని US హౌస్ ఆఫ్ రిప్రజెంటేటివ్స్‌కు రిపబ్లికన్ అభ్యర్థిగా పోటీ చేసి డెమొక్రాట్ లోయిస్ ఫ్రాంకెల్ చేతిలో ఓడిపోయారు.
రెండేళ్ల తర్వాత మరోసారి పోటీ చేసినప్పటికీ, ఆమె నిరాశకరమైన ఫలితాన్ని ఎదుర్కొన్నారు.
ఆమె తరచూ వివాదాస్పద వ్యాఖ్యలు చేసే కారణంగా ఫేస్‌బుక్, ఇన్‌స్టాగ్రామ్ వంటి అనేక ప్లాట్‌ఫారమ్స్ ఆమెను నిషేధించాయి.