Canada: కెనడాతో విభేదాలు మరింత పెంచేందుకు అమెరికా యత్నాలు.. ఫైవ్ ఐస్ కూటమి నుండి సాగనంపేందుకు సన్నాహాలు
ఈ వార్తాకథనం ఏంటి
అమెరికా, కెనడా మధ్య విభేదాలు మరింత తీవ్రమవుతున్నట్లు తెలుస్తోంది.
అమెరికా తన ప్రధాన మిత్రదేశాలతో ఏర్పాటుచేసిన ఇంటెలిజెన్స్‌ కూటమి 'ఫైవ్ ఐస్' నుంచి కెనడాను తొలగించేందుకు సిద్ధమవుతోందని సమాచారం.
అమెరికా మాజీ అధ్యక్షుడు ట్రంప్‌కు అత్యంత సమీప సలహాదారుల్లో ఒకరైన పీటర్‌ నవర్రో దీనికి సంబంధించిన ప్రతిపాదనలు సిద్ధం చేయగా, ఈ అంశంపై చర్చలు జరుగుతున్నట్లు ఫైనాన్షియల్‌ టైమ్స్ పత్రిక వెల్లడించింది.
ఒట్టావాపై మరింత ఒత్తిడి పెంచేందుకే ఈ నిర్ణయం తీసుకున్నట్లు చెబుతున్నారు.
వివరాలు
బ్రిటన్‌లో పెరుగుతున్న వలస ముస్లింల జనాభా
ఈ ప్రతిపాదనకు ట్రంప్‌ మద్దతు కూడా ఉందని తెలుస్తోంది. ముఖ్యంగా, ఈ ప్రతిపాదన తెరపైకి వచ్చిన వేళ, అమెరికా ఉపాధ్యక్షుడు జేడీ వాన్స్‌ బ్రిటన్‌పై కూడా అసంతృప్తి వ్యక్తం చేశారు.
బ్రిటన్‌లో పెరుగుతున్న వలస ముస్లింల జనాభాను ప్రస్తావిస్తూ, అది అణ్వాయుధాలతో కూడిన అసలైన దేశంగా మారుతోందని వ్యాఖ్యానించారు.
ట్రంప్‌ ప్రధాన లక్ష్యమైన మేక్‌ అమెరికా గ్రేట్‌ అగైన్ సిద్ధాంతాన్ని పూర్తి చేయాలంటే, ఇంగ్లిష్‌ మాట్లాడే మిత్రదేశాలను కూడా అమెరికా దూరం చేసుకోవాల్సిన పరిస్థితి ఏర్పడిందని తెలుస్తోంది.
అయితే, ఫైనాన్షియల్‌ టైమ్స్ రిపోర్టును పీటర్‌ నవర్రో "నిరర్థకం" అంటూ కొట్టిపారేశారు.
వివరాలు
కెనడాపై ఒత్తిడి పెంచుతున్న అమెరికా
ట్రంప్‌ అధ్యక్ష పదవిని చేపట్టినప్పటి నుంచే, కెనడాను అమెరికా 51వ రాష్ట్రంగా విలీనం చేయాలన్న చర్చలు జరుగుతున్నాయి.
ఆయన కెనడా ప్రధాన మంత్రి జస్టిన్ ట్రూడోను "గవర్నర్‌" అని సంబోధించిన సందర్భాలు ఉన్నాయి.
తాజాగా, కెనడాపై ఒత్తిడి తేవాలనే ఉద్దేశంతో అమెరికా 25% దిగుమతి సుంకాలను విధించేందుకు సిద్ధమైంది. ఈ సుంకాలు మార్చి నుంచి అమలులోకి రానున్నాయి.
వివరాలు
100 ఏళ్లకుపైగా బలమైన అనుబంధం
రెండో ప్రపంచ యుద్ధంలో ఇంటెలిజెన్స్‌ భాగస్వామ్యం ఎంతో కీలకమని గుర్తించిన అమెరికా, యుకే కలిసి 1946లో విశ్వసనీయ సమాచార మార్పిడి కోసం UKUSA ఒప్పందాన్ని కుదుర్చుకున్నాయి.
ఆ తర్వాత, ఈ కూటమిని రెండు మార్లు విస్తరించి, 1956 నాటికి కెనడా, ఆస్ట్రేలియా, న్యూజిలాండ్‌ను కూడా ఇందులో చేర్చారు.
అప్పటి నుంచి ఇది 'ఫైవ్ ఐస్ ఇంటెలిజెన్స్‌ అలయన్స్‌'గా మారింది.
ఈ కూటమిలోని దేశాల నిఘా సంస్థలు పరస్పరం కీలక సమాచారం షేర్‌ చేసుకోవడంతో పాటు, అనధికారిక ఒప్పందాల ప్రకారం సహకరించుకుంటాయి.
మానవ మేధా నిఘా, భద్రతా సమాచార మార్పిడి, సిగ్నల్‌ ఇంటెలిజెన్స్‌, భౌగోళిక, అంతరిక్ష నిఘా సమాచారం, రక్షణ రంగ నిఘా వంటి అంశాల్లో దేశాల మధ్య సహకారం కొనసాగుతోంది.
వివరాలు
అవాస్తవ లీకులను మీడియాలో విడుదల చేసిన కెనడా
సిగ్నల్‌ ఇంటెలిజెన్స్‌ ద్వారా మొబైల్ నెట్‌వర్క్‌, ఇంటర్నెట్‌, రాడార్‌, ఆయుధ వ్యవస్థల కమ్యూనికేషన్‌ సిస్టమ్స్‌ నుంచి వెలువడే ఎలక్ట్రానిక్‌ సంకేతాలను సేకరించి, వాటిని పరస్పరం పంచుకుంటాయి.
అంతేకాకుండా, ఉపగ్రహ చిత్రాల ఆధారంగా డేటాను షేర్‌ చేసుకోవడం ఈ దేశాల నిఘా విధానంలో భాగమైంది.
ఈ ఐదు దేశాలన్నీ ప్రధానంగా ఆంగ్ల భాష మాట్లాడే దేశాలే కావడం గమనార్హం.
భారతదేశంతో ఖలిస్థానీ వివాదం సందర్భంలో, కెనడా ఈ కూటమిని అడ్డం పెట్టుకొని కొన్ని అవాస్తవ లీకులను మీడియాలో విడుదల చేసినట్లు సమాచారం.