Tesla-BYD:అమ్మకాలలో టెస్లాను మించిన చైనా ఎలక్ట్రిక్ వాహనాల దిగ్గజం బీవైడీ..!
ఈ వార్తాకథనం ఏంటి
చైనా ఆటో మొబైల్‌ దిగ్గజం బీవైడీ (BYD) అమెరికాకు చెందిన టెస్లా (Tesla)కు తీవ్రమైన పోటీ వస్తోంది. తాజాగా, వార్షిక ఆదాయాల్లో బీవైడీ టెస్లాను మించిపోయింది. షెంజెన్‌కు కేంద్రంగా ఉన్న ఈ సంస్థ 2024లో 107 బిలియన్‌ డాలర్ల ఆదాయాన్ని సాధించింది. ఇది 2023తో పోల్చితే 29% పెరుగుదలను చూపిస్తుంది. ఇదే సమయంలో, టెస్లా ఆదాయం 97.7 బిలియన్‌ డాలర్లుగా ఉంది. బీవైడీ విక్రయాల్లో హైబ్రీడ్‌ వాహనాలకు అధిక డిమాండ్‌ కనిపిస్తోంది. గత ఏడాది, బీవైడీ విద్యుత్తు వాహనాల విభాగంలో 17.6 లక్షల యూనిట్లు విక్రయించింది, ఇది టెస్లా విక్రయించిన 17.9 లక్షల కార్లకు దగ్గరగా ఉంది.
వివరాలు
హైబ్రీడ్‌ వాహనాల విభాగంలో బీవైడీ భారీ వృద్ధి
అయితే, హైబ్రీడ్‌ వాహనాల విభాగంలో బీవైడీ భారీ వృద్ధిని నమోదు చేసింది. మొత్తం 43 లక్షల వాహనాలను గ్లోబల్‌గా విక్రయించినట్లు గణాంకాలు సూచిస్తున్నాయి. క్విన్‌ ఎల్‌ (Qin L) పేరుతో విడుదలైన ఈ కారు ధర, టెస్లా మోడల్‌ 3తో పోలిస్తే సగం మాత్రమే. టెస్లా మోడల్‌ 3కి ప్రత్యామ్నాయంగా బీవైడీ ఇటీవల చౌక ధరలో కొత్త మోడల్‌ను లాంచ్‌ చేసింది. ఇది చైనా ఈవీ మార్కెట్లో తన ఆధిపత్యాన్ని పెంచుకునేందుకు తీసుకొచ్చిన మోడల్‌గా భావిస్తున్నారు.
వివరాలు
5 నిమిషాల్లో ఛార్జింగ్‌ ద్వారా 400 కిలోమీటర్ల ప్రయాణం
అంతేకాకుండా,బీవైడీ 2025లో వేగవంతమైన ఛార్జింగ్‌ టెక్నాలజీని ప్రవేశపెట్టింది.కేవలం 5 నిమిషాల్లో ఛార్జింగ్‌ ద్వారా 400 కిలోమీటర్ల ప్రయాణం సాధ్యమవుతుందని ప్రకటించింది. టెస్లా అయితే ఇలాంటి పరిధి ప్రయాణాన్ని అందించేందుకు కనీసం 15 నిమిషాలు ఛార్జింగ్‌ అవసరమవుతుంది. అదనంగా,బీవైడీ తన బేసిక్‌ మోడల్స్‌లో సరికొత్త డ్రైవర్‌ అసిస్టెన్స్‌ సిస్టమ్‌ను ఉచితంగా అందిస్తోంది, దీనిని 'గాడ్స్‌ ఐ' (God's Eye) అని పేరు పెట్టింది. ఇటీవలి కాలంలో,టెస్లా సీఈఓ ఎలాన్ మస్క్‌ అమెరికా అధ్యక్షుడు డొనాల్డ్‌ ట్రంప్‌కు సమీపంగా ఉండటంతో, అమెరికా మార్కెట్లో టెస్లా విక్రయాలపై ప్రతికూల ప్రభావం చూపుతుందని విశ్లేషకులు భావిస్తున్నారు. మరోవైపు, పశ్చిమ దేశాలు చైనా తయారీ కార్లపై అధిక పన్నులు విధించడం కూడా ఈ రంగంలో మార్పులు తీసుకొచ్చే అంశంగా కనిపిస్తోంది.