Tollywood:నేడు తెలంగాణ ముఖ్యమంత్రితో సినీ ప్రముఖుల సమావేశం.. సినీ ఇండస్ట్రీ నుంచి దిల్ రాజు నేతృత్వంలో 36 మంది
ఈ వార్తాకథనం ఏంటి
నేడు తెలంగాణ సీఎం రేవంత్ రెడ్డి సినీ ప్రముఖులతో సమావేశం కానున్నారు.
ఈ సమావేశం ఉదయం 10 గంటలకు బంజారాహిల్స్‌లోని పోలీసు కమాండ్ కంట్రోల్ సెంటర్‌లో జరుగుతుంది.
సినీ ఇండస్ట్రీ నుంచి దిల్ రాజు నేతృత్వంలో 36 మంది సభ్యులు ఈ సమావేశంలో పాల్గొననున్నారు.
ప్రభుత్వ తరఫున డిప్యూటీ సీఎం మల్లు భట్టి విక్రమార్క, మంత్రులు కోమటిరెడ్డి, ఉత్తమ్, దామోదర రాజనర్సింహ పాల్గొననున్నారు.
ఈ సమావేశంలో సినిమా పరిశ్రమ సమస్యలపై ప్రధానంగా చర్చించనున్నారు.
ముఖ్యంగా తెలంగాణలో చిత్ర పరిశ్రమ అభివృద్ధి, పరిశ్రమ ఎదుర్కొంటున్న సమస్యలు, గద్దర్ అవార్డుల పరిశీలన, ఇటీవల సంధ్య థియేటర్ వద్ద జరిగిన సంఘటనలు, టికెట్ ధరల పెంపు, బెనిఫిట్ షోల రద్దు వంటి అంశాలు చర్చకు వచ్చే అవకాశముంది.
వివరాలు
నిర్మాతల నుంచి:
ఈ సమావేశంలో దిల్ రాజు, అల్లు అరవింద్, దగ్గుబాటి సురేష్ బాబు, ఏషియన్ సునీల్ నారంగ్, సుప్రియ యార్లగడ్డ, చినబాబు, నాగవంశీ, పుష్ప నిర్మాతలు నవీన్ ఎర్నేని, రవి శంకర్, పీపుల్స్ మీడియా విశ్వప్రసాద్, సుధాకర్ రెడ్డి, స్రవంతి రవి కిషోర్ తదితరులు పాల్గొననున్నారు.
హీరోల నుంచి:
మెగాస్టార్ చిరంజీవి, నాగార్జున, వెంకటేష్, నితిన్, కిరణ్ అబ్బవరం, వరుణ్ తేజ్, శివ బాలాజీ వంటి ప్రముఖులు హాజరుకానున్నారు.
దర్శకుల సంఘం నుంచి:
దర్శకుల సంఘం అధ్యక్షుడు వీర శంకర్, డైరెక్టర్లు సాయి రాజేష్, విశ్వంభర దర్శకుడు వశిష్ట, త్రివిక్రమ్ శ్రీనివాస్, హరీ శంకర్, అనిల్ రావిపూడి, బాబీ వంటి ప్రముఖులు పాల్గొంటారు.
వివరాలు
తెలుగు ఫిలిం ఛాంబర్ నుంచి:
తెలుగు ఫిలిం ఛాంబర్ అధ్యక్షుడు భరత్ చౌదరి, సెక్రటరీ దామోదర్ ప్రసాద్ హాజరుకానున్నారు.
మా అసోసియేషన్ నుంచి:
తెలంగాణ ఫిల్మ్ ఛాంబర్, ఫిల్మ్ ఫెడరేషన్ నుండి పలువురు ప్రతినిధులు కూడా సమావేశానికి హాజరుకానున్నారు.