Telangana: మహిళా సంక్షేమం కోసం మరో కొత్త కార్యక్రమం.. తెలంగాణలో కొత్త పథకం ప్రారంభం
ఈ వార్తాకథనం ఏంటి
తెలంగాణ ప్రభుత్వం మహిళా సంక్షేమం కోసం కొనసాగిస్తున్న పథకాల్లో మరో కొత్త పథకానికి శ్రీకారం చుట్టంది.
ఇప్పటికే మహిళలకు ఉచిత బస్సు సౌకర్యం, స్వయం సహాయక బృందాలకు రుణాలు అందిస్తున్న కాంగ్రెస్ ప్రభుత్వం, ఇప్పుడు మరో ముందడుగు వేస్తోంది.
రేవంత్ రెడ్డి సర్కార్ మహిళా సంఘాల బలోపేతం కోసం కీలక చర్యలు తీసుకోవాలని నిర్ణయించింది.
ప్రభుత్వం, స్వయం సహాయక సంఘాలకు బ్యాంకుల ద్వారా రుణాలు ఇప్పించి, వారి ద్వారా ఆర్టీసీ బస్సులు కొనుగోలు చేయించాలని భావిస్తోంది.
ఆ బస్సులను ఆర్టీసీకి అద్దె పద్ధతిలో అందించేలా ప్రణాళికలు సిద్ధం చేస్తున్నారు. ఈ పథకాన్ని మొదట మహబూబ్‌నగర్, కరీంనగర్ జిల్లాల్లో ప్రయోగాత్మకంగా అమలు చేయాలని భావించారు.
Details
బస్సుల కొనుగోలులో భాగస్వామ్యం చేయాలి
ప్రస్తుతం ఉచిత బస్సు సౌకర్యం అందుబాటులోకి రావడంతో బస్సుల్లో రద్దీ పెరిగింది. దీంతో ప్రభుత్వం కొత్త బస్సులు కొనుగోలు చేయాలని యోచిస్తోంది.
ప్రభుత్వంపై భారం తగ్గించేందుకు, స్వయం సహాయక సంఘాలను బస్సుల కొనుగోలులో భాగస్వామ్యం చేయాలని చూస్తున్నారు.
రైతులకు పంటతో పాటు మరొక ఆదాయం వచ్చేలా రేవంత్ సర్కార్ కీలక నిర్ణయం తీసుకుంది.
పునరుత్పాదక ఇంధన ఉత్పత్తిని పెంచడం ద్వారా రైతులకు అదనపు ఆదాయం వచ్చేలా ప్రణాళికలు రూపొందించామని డిప్యూటీ సీఎం భట్టి విక్రమార్క తెలిపారు.
Details
సోలార్ ప్యానెల్స్ ఏర్పాటుకు ప్రణాళికలు
ప్రభుత్వం వ్యవసాయ మోటార్లకు సోలార్ పంప్ సెట్లు అందించడం ద్వారా, రైతులు పంటతో పాటు విద్యుత్ ఉత్పత్తి చేయగలరు.
పైలట్ ప్రాజెక్ట్ కింద కొన్ని నియోజకవర్గాల్లో ఈ పథకాన్ని అమలు చేయనున్నట్లు తెలిపారు.
ఇందుకు అవసరమైన బడ్జెట్‌ ఇప్పటికే కేటాయించామని, ట్రాన్స్‌ఫార్మర్ల అవసరాలను తీర్చేందుకు సైతం ప్రభుత్వం సిద్ధంగా ఉందన్నారు.
అదనంగా గ్రామాల్లో ఇండ్లపై సోలార్ ప్యానెల్స్ ఏర్పాటు చేసేందుకు ప్రణాళికలు రూపొందిస్తున్నట్లు చెప్పారు.