BJP Candidate List : బీజేపీ రెండో జాబితా విడుదల.. తెలంగాణ నుంచి ఆరుగురికి చోటు
లోక్‌సభ ఎన్నికల అభ్యర్థుల రెండో జాబితాను బీజేపీ విడుదల చేసింది. ఇందులో హిమాచల్‌లోని హమీర్‌పూర్‌ నుంచి అనురాగ్‌ ఠాకూర్‌కు టికెట్ ఇచ్చారు. దీంతో పాటు ఉత్తర ముంబై నుంచి కేంద్ర మంత్రి పీయూష్ గోయల్, నాగ్‌పూర్ నుంచి నితిన్ గడ్కరీ పేర్లు కూడా జాబితాలో ఉన్నాయి. కర్నాల్ స్థానం నుంచి పోటీ చేయనున్న హర్యానా ముఖ్యమంత్రి మనోహర్ లాల్ ఖట్టర్ పేరు కూడా జాబితాలో ఉంది. ఇక్కడి నుంచి సిట్టింగ్ ఎంపీ సంజయ్ భాటియా టికెట్ రద్దయింది. 10 రాష్ట్రాల నుంచి 72 మంది అభ్యర్థుల పేర్లను జాబితాలో ప్రకటించారు. బీజేపీ జాబితాలో హరిద్వార్‌ నుంచి త్రివేంద్ర సింగ్ రావత్‌కు టికెట్ ఇచ్చారు. బెంగళూరు సౌత్ నుంచి తేజస్వి సూర్యను రంగంలోకి దింపారు.
195మంది అభ్యర్థులతో తొలి జాబితా
బీడ్ నుంచి పంకజా ముండే,గర్వాల్ నుంచి అనిల్ బలూనీ,త్రిపుర నుంచి కృతి సింగ్ దేబ్ వర్మ, అంబాలా నుంచి సిట్టింగ్ ఎంపీ రతన్ లాల్ మృతి చెందడంతో ఆయన భార్య బాంటో కటారియాకు టికెట్ ఇచ్చారు. తెలంగాణ నుంచి ఆరుగురికి చోటు దక్కింది. ఆదిలాబాద్‌ - గోడెం నగేశ్‌, పెద్దపల్లి - గోమాస శ్రీనివాస్‌, మెదక్‌ - రఘునందన్‌రావు, నల్లగొండ - శానంపూడి సైదిరెడ్డి, మహబూబ్‌నగర్‌ నుంచి డీకే అరుణ, మహబూబాబాద్‌కు సీతారాం నాయక్‌ను అభ్యర్థులుగా ప్రకటించారు. అప్పటి నుంచి బీజేపీ మరో జాబితాను ఎప్పుడైనా విడుదల చేసే అవకాశం ఉందని భావిస్తున్నారు. దీనికి ముందు 195మంది అభ్యర్థులతో కూడిన తొలిజాబితాను పార్టీ విడుదల చేసింది.
