TS Assembly 2025: తెలంగాణ అసెంబ్లీలో కాగ్ రిపోర్ట్‌.. భట్టి విక్రమార్క కీలక ప్రకటన?
ఈ వార్తాకథనం ఏంటి
తెలంగాణ అసెంబ్లీ సమావేశాలు గురువారం ఉదయం 10 గంటలకు ప్రారంభం కానున్నాయి. డిప్యూటీ సీఎం భట్టి విక్రమార్క సభలో కాగ్ రిపోర్ట్‌ను ప్రవేశపెట్టనున్నారు. ఇక డీలిమిటేషన్‌పై ప్రభుత్వ తీర్మానాన్ని సీఎం రేవంత్ రెడ్డి సభలో సమర్పించనున్నారు. ప్రభుత్వ తీర్మానం అనంతరం సభ ద్రవ్య వినిమయ బిల్లు, అవయవ దానం బిల్లులను ఆమోదించనుంది. ఈరోజుతో తెలంగాణ అసెంబ్లీ సమావేశాలు ముగియనున్నాయి. 12వ రోజు సమావేశాలతో ఈ సమావేశాల శ్రేణి ముగిసిపోనుంది.
Details
పెట్టుబడులు రాకుండా బీఆర్ఎస్ అడ్డుకుంటోంది
11 రోజులుగా కాంగ్రెస్, బీఆర్ఎస్ నేతల మధ్య మాటల యుద్ధంతో సభ హోరాహోరీగా కొనసాగింది. బుధవారం సీఎం రేవంత్ రెడ్డి సుదీర్ఘంగా ప్రసంగించి, అభివృద్ధి, సంక్షేమమే తమ ప్రభుత్వ ప్రాధాన్యత అని స్పష్టం చేశారు. బీఆర్ఎస్ రాష్ట్ర అభివృద్ధికి అడ్డుపడుతోందని పెట్టుబడులు రాకుండా తప్పుడు ప్రచారం చేస్తోందని ఆయన విమర్శించారు. అలాగే నిన్న హోం, అడ్మినిస్ట్రేషన్‌ ఖర్చులపై విస్తృతంగా చర్చ జరిగింది.