Chandrababu Naidu: ఆంధ్రప్రదేశ్‌లో యూట్యూబ్ అకాడమీ ఏర్పాటుకు చంద్రబాబు చర్చలు
ఆంధ్రప్రదేశ్‌లో యూట్యూబ్ అకాడమీని ఏర్పాటు చేసేందుకు ముఖ్యమంత్రి నారా చంద్రబాబు నాయుడు చర్చలు జరుపుతున్నారు. యూట్యూబ్ గ్లోబల్‌ సీఈవో నీల్‌ మోహన్‌, గూగుల్‌ ఏపీఏసీ హెడ్‌ సంజయ్‌ గుప్తాతో ఆన్‌లైన్‌లో చర్చించినట్లు ముఖ్యమంత్రి తెలిపారు. ఈ సమావేశంలో స్థానిక భాగస్వాముల సహకారంతో అకాడమీని ఏర్పాటు చేయాలని చంద్రబాబు నాయుడు యూట్యూబ్‌ను ఆహ్వానించారు. అకాడమీ కంటెంట్ క్రియేషన్, స్కిల్ డెవలప్‌మెంట్, ఆర్టిఫిషియల్ ఇంటెలిజెన్స్, సర్టిఫికేషన్ ప్రోగ్రామ్‌లలో పరిశోధనలపై దృష్టి పెట్టగలదని ఆయన నొక్కి చెప్పారు. అమరావతిలో భాగమైన మీడియా సిటీలో అకాడమీ ఏర్పాటు చేయాలని ప్రతిపాదించారు.
