TGSRTC : మహిళా సమాఖ్యలకు శుభవార్త.. తెలంగాణ ప్రభుత్వ సంచలన నిర్ణయం!
ఈ వార్తాకథనం ఏంటి
తెలంగాణ ప్రభుత్వం మహిళా సంఘాలకు ఆర్టీసీ అద్దె బస్సుల కేటాయింపుపై ముఖ్యమైన నిర్ణయం తీసుకుంది.
స్వయం సహాయక సంఘాలకు బస్సులను కేటాయిస్తూ ప్రభుత్వం ఉత్తర్వులు జారీ చేసింది.
తొలి విడతలో 150 మండల సమాఖ్యలకు బస్సులు కేటాయించనుండగా, మిగిలిన 450 సమాఖ్యలకు త్వరలో ఆర్టీసీ అద్దె బస్సులు అందజేయనున్నారు.
ఒక్కో బస్సుకు తెలంగాణ ఆర్టీసీ రూ.77,220 అద్దె చెల్లించనుంది.
Details
ప్రభుత్వ గ్యారంటీతో బస్సుల కొనుగోలు
ఈ బస్సుల కొనుగోలుకు ప్రభుత్వమే బ్యాంకు గ్యారంటీ ఇచ్చేందుకు ముందుకొచ్చింది.
దేశంలోనే తొలిసారి స్వయం సహాయక సంఘాలకు అద్దె ఆర్టీసీ బస్సులు అందించనున్నారు.
అంతర్జాతీయ మహిళా దినోత్సవం సందర్భంగా మార్చి 8న పరేడ్ గ్రౌండ్ వేదికగా 50 బస్సులను లాంఛనంగా ప్రారంభించనున్నారు.
ఈ కార్యక్రమంలో ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, మంత్రులు సీతక్క, పొన్నం ప్రభాకర్ పాల్గొననున్నారు.
Details
మహిళలకు ఆర్థిక స్వావలంబన
మహిళలకు స్వయం ఉపాధి కల్పించి వారిని ఆర్థికంగా బలోపేతం చేయాలనే లక్ష్యంతో ప్రభుత్వం ఈ నిర్ణయం తీసుకుంది.
మహిళలు అన్ని రంగాల్లో ఎదిగితేనే సమాజం అభివృద్ధి చెందుతుందని తెలంగాణ ప్రభుత్వం నమ్ముతుంది.
ఇప్పటికే రాష్ట్ర ప్రభుత్వం స్వయం సహాయక సంఘాలకు అనేక పథకాలు, సహాయ కార్యక్రమాలను అమలు చేస్తోంది.
Details
మహిళలకు ఆర్థిక సహాయం
స్వయం సహాయక సంఘాలకు బ్యాంకు లింకేజీ ద్వారా తక్కువ వడ్డీ రుణాలు అందించనున్నారు.
నైపుణ్యాభివృద్ధి శిక్షణ కార్యక్రమాలు నిర్వహించి, ఉపాధి అవకాశాలు కల్పించేందుకు చర్యలు తీసుకుంటుంది. మార్కెటింగ్‌ సౌకర్యాలు కూడా కల్పించనుంది.
'మహిళా శక్తి' పేరిట పలు అభివృద్ధి కార్యక్రమాలను అమలు చేయాలని ప్రభుత్వం నిర్ణయించింది. రాష్ట్రంలోని 4.32 లక్షల మహిళా సంఘాల కోసం ప్రత్యేక యాక్షన్‌ ప్లాన్‌ సిద్ధం చేసింది.
Details
స్వయం సహాయక సంఘాల విధానం
గ్రామీణ పేదరిక నిర్మూలన లక్ష్యంగా స్వయం సహాయక సంఘాలను ఏర్పాటు చేశారు. ఒక్కో సంఘంలో 10-15 మంది మహిళలు సభ్యులుగా ఉంటారు.
వారు క్రమం తప్పకుండా సమావేశమై పొదుపు చేస్తారు. పొదుపు చేసిన మొత్తాన్ని అవసరమైనప్పుడు రుణంగా పొందుతారు. అదనంగా బ్యాంకుల ద్వారా రుణాలు తీసుకునే అవకాశం ఉంటుంది.
గ్రామ స్థాయిలో వివిధ సంఘాలు కలిసి వీవో (గ్రామ సమాఖ్య)గా పనిచేస్తాయి. మండల స్థాయిలో మండల సమాఖ్య, జిల్లా స్థాయిలో జిల్లా సమాఖ్య ఉంటుంది.
Details
మండల సమాఖ్యలకు బస్సుల ఆదాయం
ప్రస్తుతం ప్రభుత్వం మండల సమాఖ్యలకు బస్సులను అందజేస్తోంది.
ప్రారంభంగా 150 మండలాలకు కేటాయించనుండగా, వీటి పనితీరు, ఆదాయాన్ని పరిశీలించిన తర్వాత రాష్ట్రవ్యాప్తంగా అన్ని మండలాలకు విస్తరించే అవకాశం ఉంది.
ప్రస్తుతం ఆర్టీసీ ప్రైవేట్‌ బస్సులకు అద్దె చెల్లిస్తోంది. ఇప్పుడు మండల సమాఖ్యలకు బస్సులు కేటాయించడం ద్వారా ఆ ఆదాయం మహిళలకు చేరనుంది.
మండల సమాఖ్యల అధ్యక్షురాళ్లు, కార్యదర్శులు, కోశాధికారులు ఈ బస్సుల నిర్వహణ, పర్యవేక్షణ బాధ్యతలను చూసుకునే అవకాశం ఉంది.