Kavitha: 'భవిష్యత్తులో ఆ పార్టీతో పొత్తు ఉంటుందనే ఊహాగానాలు'.. రజతోత్సవ సభ అనంతరం కేసీఆర్‌కు కవిత లేఖ!
ఈ వార్తాకథనం ఏంటి
బీఆర్ఎస్ రజతోత్సవ సభలో మాజీ ముఖ్యమంత్రి కేసీఆర్ బీజేపీ గురించి తక్కువగా మాట్లాడిన నేపథ్యంలో... భవిష్యత్తులో ఆ పార్టీతో పొత్తు పెట్టుకునే అవకాశం ఉందన్న ఊహాగానాలు రాజకీయ వర్గాల్లో చర్చకు తెరలేపాయి.
ఈ నేపథ్యంలో ఎమ్మెల్సీ కల్వకుంట్ల కవిత ఈ విషయాన్ని ప్రస్తావిస్తూ పార్టీ అధినేత కేసీఆర్‌కు లేఖ రాసినట్లు తెలుస్తోంది.
హనుమకొండ జిల్లా ఎల్కతుర్తిలో జరిగిన సభ అనంతరం ఈ లేఖ గురువారం వెలుగులోకి వచ్చింది.
అయితే ఈ లేఖపై ఇప్పటివరకు బీఆర్ఎస్ లేదా కవిత కార్యాలయం నుంచి అధికారిక స్పందన రాలేదు.
ప్రస్తుతం అమెరికాలో పర్యటిస్తున్న కవిత శుక్రవారం హైదరాబాద్‌కు రానున్నారు. ఈ క్రమంలో ఆమె లేఖ సామాజిక మాధ్యమాల్లో వైరల్‌గా మారింది.
వివరాలు
సానుకూల అభిప్రాయాలు (Positive Feedback):
ఈ లేఖలో కవిత సభ విజయంపై కేసీఆర్‌కు శుభాకాంక్షలు తెలియజేశారు. అలాగే సభ ప్రసంగంపై పాజిటివ్, నెగటివ్‌ అనే విభజనతో సూచనలు చేశారు.
సభ విజయవంతమవ్వడం వల్ల పార్టీ శ్రేణులంతా ఉత్సాహంగా ఉన్నారు. ప్రసంగాన్ని కార్యకర్తలు పూర్తిగా శ్రద్ధగా విన్నారు.
'ఆపరేషన్ కగార్‌'పై మాట్లాడిన కేసీఆర్ అంశం పలువురికి నచ్చింది.
'కాంగ్రెస్ ఫెయిల్.. ఫెయిల్..' అని పార్టీ శ్రేణులతో చెప్పిన తీరు సానుకూలంగా ఉందని పేర్కొన్నారు.
పహల్గాం అమరులకు మౌనంగా నివాళి ఘటించిన అంశం ప్రోత్సాహకరమైంది.
రేవంత్ రెడ్డి పేరు తీసి వ్యక్తిగతంగా విమర్శించకుండా ఉండటం కొందరికి ఎంతో నచ్చింది.
కేసీఆర్ హుందాతనాన్ని గుర్తించిన కార్యకర్తలు అభినందనలు తెలిపారు.
వివరాలు
సానుకూల అభిప్రాయాలు (Positive Feedback):
తెలంగాణ అంటే బీఆర్ఎస్.. తెలంగాణ అంటే కేసీఆర్ అని మీరు బలంగా చెబుతారని చాలామంది అనుకున్నారు. తెలంగాణ తల్లి విగ్రహాన్ని మార్చడంపై, తెలంగాణ గీతం అంశంపై మాట్లాడతారని ఎదురుచూశారు.
ప్రసంగానికి కొంత "పంచ్" మిస్సయ్యిందన్న భావన ఉన్నా, కార్యకర్తలు సంతృప్తిగా ఉన్నారు.
పోలీసులకు ఇచ్చిన హెచ్చరిక పార్టీ శ్రేణుల్లోకి బలంగా వెళ్ళింది.
వివరాలు
ప్రతికూల అభిప్రాయాలు (Negative Feedback):
ఉర్దూలో మాట్లాడకపోవడం ఒక మైనస్‌
వక్ఫ్ బిల్లుపై స్పందించకపోవడంపై విమర్శలు
బీసీలకు 42% రిజర్వేషన్ల అంశాన్ని విస్మరించారన్న అభిప్రాయం
ఎస్సీ వర్గీకరణపై మాట్లాడకపోవడం మరొక అసంతృప్తికి కారణమైంది.
సభ నిర్వహణ బాధ్యతలను పాత ఇన్‌ఛార్జులకు మళ్లీ అప్పగించడంతో, కొంతమంది ఉద్యమకారులకు సదుపాయాలు కల్పించలేకపోయారన్న వ్యాఖ్యలు వినిపించాయి.
స్థానిక సంస్థల ఎన్నికల్లో బీ-ఫాంల బాధ్యతలను మళ్లీ పాతవారికే ఇస్తారని ప్రచారం జరుగుతోంది.
ఎంపీటీసీ, జడ్పీటీసీ, ఎంపీపీ స్థానాలకు పార్టీ బీ-ఫాం నేరుగా ఇవ్వాలని కార్యకర్తలు కోరుతున్నారు.
2001 నుంచి మీతో ఉన్న నాయకులకు సభ వేదికపై మాట్లాడే అవకాశం ఇవ్వలేదన్న అసంతృప్తి వ్యక్తమైంది.
కార్యక్రమం 'ధూం ధాం'గా కాకుండా ఆకర్షణ లేకుండా సాగిందని వ్యాఖ్యానించారు.
వివరాలు
ప్రతికూల అభిప్రాయాలు (Negative Feedback):
బీజేపీ గురించి కేవలం రెండు నిమిషాలే మాట్లాడటం వల్ల భవిష్యత్తులో పొత్తు ఉంటుందన్న అనుమానాలు పుట్టాయని పేర్కొన్నారు.
వ్యక్తిగతంగా కవిత అభిప్రాయం ప్రకారం కేసీఆర్ ఇంకా బలంగా భాజపాను టార్గెట్ చేయాల్సిన అవసరం ఉందని ఆమె భావించారు.
క్షేత్రస్థాయిలో కాంగ్రెస్‌పై నమ్మకం తగ్గిందని, భాజపా ప్రత్యామ్నాయంగా భావించబడుతోందన్న అభిప్రాయం కొందరిలో ఉంది.
ఎమ్మెల్సీ ఎన్నికల్లో పోటీ చేయకపోవడం వల్ల భాజపాకు మద్దతుగా కనిపించిందని కాంగ్రెస్ ప్రచారం చేసుకుంటోందని సూచించారు.
ప్రస్తుత రాజకీయ పరిణామాల నేపథ్యంలో కేసీఆర్ నుంచి ప్రత్యేక కార్యాచరణ లేదా మార్గదర్శనం రావాలని శ్రేణులు ఆశించాయని అన్నారు.
కనీసం ప్లీనరీ సమావేశం నిర్వహించి కార్యకర్తల అభిప్రాయాలను సేకరించాలని, దానిపై సీరియస్‌గా ఆలోచించాల్సిన అవసరం ఉందని సూచించారు.
వివరాలు
ప్రతికూల అభిప్రాయాలు (Negative Feedback):
చాలామంది మీతో ఫొటో దిగాలని, చేయి కలపాలని అంటుంటే.. చాలా హార్ట్‌ వార్మింగ్‌గా అనిపించింది.
మాజీ జడ్పీటీసీ, జడ్పీ ఛైర్మన్‌లు, ఎమ్మెల్యేలు కేసీఆర్‌ను కలవలేకపోతున్నారని, ప్రతి ఒక్కరికీ అవకాశం ఇవ్వాలని కోరారు.
''ఈ లేఖ చాలా పొడవుగా ఉంది. క్షమించాలి. ధన్యవాదాలు'' అని కవిత తన లేఖ ముగించారు.