Independence Day: 'ఉగ్రవాద బెదిరింపు' హెచ్చరికల నేపథ్యంలో.. స్వాతంత్ర్య దినోత్సవానికి భద్రత పెంపు
ఈ వార్తాకథనం ఏంటి
స్వాతంత్య్ర దినోత్సవాన్ని దృష్టిలో ఉంచుకొని, దేశ రాజధాని దిల్లీలో భద్రతా విభాగాలు హై అలర్ట్‌ ప్రకటించాయి. పహల్గాం ఉగ్రదాడికి ప్రతిగా మే నెలలో జరిగిన "ఆపరేషన్ సిందూర్" అనంతరం, ఉగ్ర ముప్పు పెరిగే అవకాశాలపై పలు గూఢచారి నివేదికలు లభించడంతో, కేంద్ర సంస్థలు సంబంధిత శాఖలకు ప్రత్యేక హెచ్చరికలు పంపించాయి. ప్రతీ ఏడాది లాగే నిర్ణీత ప్రదేశం,పెద్ద ఎత్తున జనసమూహం,ఈ రోజు ప్రతీకాత్మక ప్రాధాన్యం అన్ని కలిసి ఈసారి స్వాతంత్ర్య దినోత్సవ వేడుకలు "క్రిటికల్ థ్రెట్ ఎన్విరాన్‌మెంట్"లో ఉన్నాయని అధికారులు పేర్కొంటున్నారు. ఈ సంవత్సరం ఆపరేషన్ సిందూర్‌ను ప్రధాన అంశంగా తీసుకుని ఏర్పాట్లు జరుగుతున్నాయి.
వివరాలు
విభిన్న వర్గాల నుంచి ముప్పు
ఢిల్లీలోని విస్తారమైన జనాభా, అనధికార కాలనీల గుంపులు ఉగ్రవాదులు చొరబడేందుకు లేదా దాడులు జరిపేందుకు ఆశ్రయం కల్పించే అవకాశం ఉందని అధికారులు హెచ్చరిస్తున్నారు. మూలాల ప్రకారం, పాకిస్థాన్‌ కేంద్రంగా పనిచేసే ఉగ్ర సంస్థలు, గ్లోబల్ జిహాదీ నెట్‌వర్కులు, రాడికల్ ఇస్లామిక్ వర్గాలు, సిక్కు మిలిటెంట్ గుంపులు, ఎడమవాద అతి ఉగ్రవాదులు (LWE), ఈశాన్య రాష్ట్రాల తిరుగుబాటు సంస్థలు వంటి విభిన్న వర్గాల నుంచి ముప్పు ఉందని గూఢచార సంస్థలు గుర్తించాయి. అంతేకాక, దేశీయంగా ఉద్భవించిన రాడికల్ వర్గాలు, అసంతృప్త గుంపులు, మతపరమైన ఉద్రిక్తత సృష్టించే వర్గాలు కూడా ఈ సందర్భాన్ని వాడుకునే అవకాశం ఉందని భావిస్తున్నారు.
వివరాలు
తనిఖీలను కట్టుదిట్టం చేసిన భద్రతా సిబ్బంది
స్వాతంత్ర్య దినోత్సవ భద్రతా ప్రణాళికలో ఉన్న ఒక సీనియర్ అధికారి మాట్లాడుతూ, ప్రధాన ప్రత్యర్థులు పాకిస్తాన్ కేంద్రంగా ఉన్న ఉగ్ర సంస్థలు, గ్లోబల్ జిహాదీ గ్రూపులు, రాడికల్ ఇస్లామిక్ వర్గాలేనని తెలిపారు. గూఢచారి నివేదికల ప్రకారం, భద్రతా సిబ్బంది తనిఖీలను కట్టుదిట్టం చేయడం, పలు సంస్థలు, కేంద్ర సాయుధ దళాల సమన్వయంతో నిఘా పెంచడం అవసరమని సూచించారు. ముఖ్యంగా, యూనిఫాం ధరించిన బయటి వ్యక్తులు ఏ విధంగానూ రక్షిత ప్రాంతాల్లోకి ప్రవేశించకుండా చూడాలని అధికారులకు ఆదేశాలు జారీ అయ్యాయి.
వివరాలు
సోషల్ మీడియాలో సమాచారం పోస్ట్ చెయ్యడని కఠిన ఆదేశాలు
సమాచార వర్గాలు చెబుతున్న వివరాల ప్రకారం,సంయుక్త ఉగ్ర దాడుల నుండి ఒంటరిగా దాడి చేసే "లోన్ వుల్ఫ్" ప్రయత్నాలు,ప్రతీకార దాడులు లేదా ప్రభుత్వ విధానాలకు వ్యతిరేకంగా నిరసనలు వంటి పలు రకాల ముప్పులు ఉన్నాయి. వీటికి తోడు,సిక్కు మిలిటెంట్ వర్గాలు,LWEలు,ఈశాన్య తిరుగుబాటు గ్రూపులు,దేశీయ రాడికల్ సంస్థలు కూడా ముప్పుగా పరిగణిస్తున్నారు. భద్రతా కారణాల రీత్యా,ఏ అధికారి కూడా సోషల్ మీడియాలో సమాచారం పోస్ట్ చేయవద్దని కఠిన ఆదేశాలు ఇచ్చారు. పాకిస్తాన్ గూఢచారి సంస్థలకు చెందిన వ్యక్తులు,అధికారులుగా నటిస్తూ భద్రతా ఏర్పాట్ల వివరాలు తెలుసుకోవడానికి ప్రయత్నించే అవకాశం ఉందని హెచ్చరికలు జారీ అయ్యాయి. అందువల్ల, కంట్రోల్ రూమ్ సిబ్బంది ఎవరైనా అనుమానాస్పదంగా వివరాలు అడిగితే వాటిగురించి చెప్పకుండా ఉన్నతాధికారులకు తెలియజేయాలని సూచనలు ఇచ్చారు.