Chinese flag on Isro ad: ఇస్రో యాడ్ లో 'చైనా జెండా'.. బీజేపీ తీవ్ర విమర్శలు
ఈ వార్తాకథనం ఏంటి
తమిళనాడు అధికార పార్టీ డీఎంకే ఇండియన్ స్పేస్ రీసెర్చ్ ఆర్గనైజేషన్ (ఇస్రో) ప్రకటన వివాదాస్పదంగా మారింది. కులశేఖర పట్నంలో కొత్తగా ఏర్పాటు చేయబోతున్న ఇస్రో స్పేస్ పోర్టు గురించి రాష్ట్ర మత్స్య శాఖ మంత్రి అనితా రాధాకృష్ణన్ విడుదల చేసిన ప్రకటనలో చైనా జెండా ఉంచడంపై విమర్శలు వెల్లువెత్తుతున్నాయి. ఈ పోస్టర్ లో ప్రధాని నరేంద్ర మోదీ,మాజీ ముఖ్యమంత్రి కరుణానిధి,సీఎం స్టాలిన్,అతని కుమారుడు ఉదయనిధి స్టాలిన్ ఫోటోలతో ఓ ప్రకటన ఇచ్చారు. అలాగే ఆ పోస్టర్ లో రాకెట్ పై భాగంలో చైనా జెండాను ఉంచారు. బీజేపీ నేతృత్వంలోని కేంద్రం ప్రాజెక్టులపై డీఎంకే తన ముద్ర వేస్తోందని, వాటికి క్రెడిట్ దక్కేలా చేసేందుకు ప్రయత్నిస్తోందని ప్రధాని మోదీ దృష్టి ఆరోపించారు.
Details
ప్రకటనను ఖండించిన అన్నామలై
'డీఎంకే ఏ పనీ చేయని పార్టీ అని,కానీ క్రెడిట్ తీసుకునేందుకు ముందుటుందని అన్నారు. మన పథకాలపై వారి స్టిక్కర్లు అంటించుకునేవారు,ఇప్పుడు చైనా స్టిక్కర్లను అతికిస్తున్నారు అంటూ తిరునల్వేలిలో జరిగిన బహిరంగ ర్యాలీలో ప్రధాని మోదీ ఎద్దేవా చేశారు. భారతదేశం అంతరిక్ష పురోగతిని చూడటానికి వారు సిద్ధంగా లేరు.. మీరు చెల్లించే పన్నులతో, ప్రకటనలు ఇస్తారు,అందులోను భారతదేశ అంతరిక్ష చిత్రాన్ని కూడా చేర్చరని అన్నారు. బీజేపీ రాష్ట్ర అధ్యక్షుడు కె.అన్నామలై స్థానిక దినపత్రికలలో విడుదల చేసిన ప్రకటనను ఖండించారు. డిఎంకె "మన దేశ సార్వభౌమాధికారాన్ని విస్మరించిందని" ఆరోపించారు. ఈ ప్రకటన... చైనా పట్ల DMK నిబద్ధతకు నిదర్శనమని, ఇస్రో రెండవ లాంచ్ ప్యాడ్‌ను ప్రకటించినప్పటి నుండి స్టిక్కర్లను అతికించడానికి తహతహలాడుతోందని X వేదికగా విమర్శించారు.
Details
DMK పెద్దగా మారలేదు,అధ్వాన్నంగా మారింది: అన్నామలై
DMK పెద్దగా మారలేదు,అధ్వాన్నంగా మారిందని అన్నామలై ఆరోపించారు. తమిళనాడులో రెండవది అయిన కులశేఖరపట్టణంలోని ఇస్రో స్పేస్‌పోర్ట్, చిన్న ఉపగ్రహ ప్రయోగ వాహనాల (ఎస్‌ఎస్‌ఎల్‌వి)ప్రయోగంపై దృష్టి సారించి భారతదేశ అంతరిక్ష ప్రయత్నాలకు ఒక ముఖ్యమైన అభివృద్ధిగా కేంద్రంగా సెట్ చేయబడింది. అంతరిక్ష సాంకేతికత, అన్వేషణలో భారతదేశ సామర్థ్యాలను పెంపొందించడంలో ఈ చొరవ కీలకమైన దశను సూచిస్తుంది.