#Newsbytesexplainer: ప్రకృతి వైప‌రీత్య‌మా.. మానవా తప్పిదామా.. ఎవరిది నేరం..?
వర్షాకాలం జూన్‌లో ప్రారంభమవుతుంది. రైతులు ఆ సీజన్‌లో ఏదైనా వర్షం పడితే తక్షణమే పొలాన్ని దున్ని విత్తనాలు నాటుతారు. మనది ప్రధానంగా వ్యవసాయ ఆధారిత దేశం, పంటలపైనే మన జీవనాధారం ఆధారపడుతోంది. పట్టణీకరణ ఎంతైనా వృద్ధి చెందుతున్నా, వ్యవసాయం దేశానికి ముఖ్య ఆధారం. అందుకే తెలంగాణ, ఆంధ్రప్రదేశ్ రాష్ట్రాలతో సహా యావత్ దేశం రుతుపవనాల కోసం ఎదురు చూస్తుంది. అయితే, వాతావరణ మార్పులు మనుగడపై తీవ్ర ప్రభావం చూపిస్తున్నాయి. ఎప్పటిలాగే వర్షాలు సమయానికి రాకపోవడం, క్షీణించిపోవడం మనం చూస్తున్న సత్యం. వీటికి కారణం మానవ ప్రవర్తనేనన్న చర్చ పర్యావరణ ప్రియుల మధ్య బలంగా ఉంది. ఈ ఏడాది ప్రారంభంలో కూడా వర్షాలు సక్రమంగా పడలేదు.
సెప్టెంబర్ మొదట్లో భారీ వర్షాల ప్రభావం
కరువు పరిస్థితులు కనిపించడం, రైతులు పెట్టిన విత్తనాలు మొలకెత్తకుండానే ఎండిపోవడం వంటి దుర్భాగ్య పరిణామాలు చోటుచేసుకున్నాయి. వాతావరణ శాఖ అధికారులు సీజన్ ఇంకా చాలా ఉందని, ఆగస్టు నాటికి భారీ వర్షాలు పడతాయని సూచించారు, ఆ తర్వాత నిజంగానే వర్షాలు మొదలయ్యాయి. అయితే, వర్షాలు కురవడం ద్వారా కొంత కాలం వ్యవసాయ పనులు నెమ్మదిగా ప్రారంభమైనా, సెప్టెంబర్ మొదట్లో భారీ వర్షాల ప్రభావం తీవ్రంగా తాకింది. తెలంగాణ, ఆంధ్రప్రదేశ్ రాష్ట్రాలను అతలాకుతలం అయ్యాయి. ఖమ్మం, విజయవాడ నగరాలు జలదిగ్బంధంలో చిక్కుకుని తీవ్రంగా నష్టపోయాయి.
కబ్జాలకు గురైన చెరువులు
ఖమ్మం పట్టణంలో మున్నేరు వాగు ఉగ్రరూపం దాల్చడం, అలాగే లకారం చెరువు కబ్జా చేయబడడం వల్లే ఈ పరిస్థితి ఏర్పడిందని స్థానికులు చెబుతున్నారు. విజయవాడ నగరంలో బుడమేరు వాగు కబ్జాలకు గురై వర్షపు నీటిని సరైన విధంగా తట్టుకోలేకపోవడం వల్ల నగరంలో వరద నీరు చుట్టూ వ్యాపించింది. హైదరాబాద్ నగరంలో సైతం చెరువులు కబ్జాలకు గురై క్రమంగా వడిగా మారుతున్నాయి. వర్షాలు వచ్చినప్పుడు వరద నీరు ఇంటిలోకి చేరడం, రహదారులు నీటితో నిండడం సాధారణ విషయాలుగా మారాయి. పర్యావరణ ప్రేమికులు ప్రకృతి ధోరణులను మానవీయ చర్యల కారణంగా వ్యతిరేకిస్తున్నారని హెచ్చరిస్తున్నారు.
పట్టణాలు కాంక్రీటు జంగిళ్లుగా మారాయి
అడవుల నరికివేత వల్ల వర్షపాతం తగ్గిపోవడం, వర్షాలు సమయానికి రాకపోవడం, నేలలో నీరు ఇమిడిపోకపోవడం వంటి సమస్యలు ఏర్పడుతున్నాయి. పట్టణాలు కాంక్రీటు జంగిళ్లుగా మారడంతో నీటికి గమ్యం లేకుండా ముంపులు సంభవిస్తున్నాయి. పాలకులు ఈ సమస్యలను సకాలంలో గుర్తించి చెరువులను పునరుద్ధరించడంతో పాటు అడవులను పెంచాల్సిన అవసరం ఉందని పర్యావరణవేత్తలు అభిప్రాయపడుతున్నారు. ఎప్పటికైనా మేలుకొంటేనే మనుగడ కొనసాగుతుందని వారంటున్నారు.
