Page Loader
హోమ్ / వార్తలు / భారతదేశం వార్తలు /  New Flight Services: విజయవాడ నుంచి విశాఖకు నూతన విమాన సర్వీసు.. జూన్ 1 నుంచి సేవలు ప్రారంభం
 New Flight Services: విజయవాడ నుంచి విశాఖకు నూతన విమాన సర్వీసు.. జూన్ 1 నుంచి సేవలు ప్రారంభం
విజయవాడ నుంచి విశాఖకు నూతన విమాన సర్వీసు

 New Flight Services: విజయవాడ నుంచి విశాఖకు నూతన విమాన సర్వీసు.. జూన్ 1 నుంచి సేవలు ప్రారంభం

వ్రాసిన వారు Sirish Praharaju
May 06, 2025
12:32 pm
ఈ వార్తాకథనం ఏంటి

ఆంధ్రప్రదేశ్‌లో విశాఖపట్టణం ఆర్థిక రాజధానిగా వేగంగా అభివృద్ధి చెందుతున్న నేపథ్యంలో, విజయవాడ-విశాఖపట్నం మధ్య రవాణా అవసరాలు గణనీయంగా పెరుగుతున్నాయి. అయితే ఈ రెండు నగరాల మధ్య దూరం ఎక్కువగా ఉండటంతో రోడ్ మార్గంలో ప్రయాణించడానికి అధిక సమయం తీసుకుంటోంది. అంతేకాకుండా,విశాఖపట్నానికి నేరుగా విమాన సేవలు అందుబాటులో లేకపోవడం వల్ల ప్రయాణికులు తీవ్ర అసౌకర్యాన్ని ఎదుర్కొంటున్నారు. ఈ పరిస్థితులను దృష్టిలో పెట్టుకుని కేంద్ర పౌర విమానయాన శాఖ విజయవాడ నుంచి నేరుగా విశాఖపట్నానికి విమాన సర్వీసు ప్రారంభించే దిశగా చర్యలు చేపట్టింది. ప్రస్తుతం చెన్నై నుంచి వచ్చే ఒకే ఒక్క విమానం మాత్రమే ఈ మార్గంలో అందుబాటులో ఉంది. కానీ, దానిలో ఎక్కువగా రద్దీ ఉండటంతో ప్రయాణికులు ప్రత్యామ్నాయ మార్గాలైన హైదరాబాద్ ద్వారా ప్రయాణిస్తున్నారు.

వివరాలు 

ఈ సేవను ఇండిగో సంస్థ నిర్వహిస్తోంది 

ఇకపై నేరుగా విశాఖకు వెళ్లే విమాన సర్వీసు ప్రారంభం కాబోతుండటంతో ప్రయాణికులు ఆనందం వ్యక్తం చేస్తున్నారు. కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు సోమవారం ప్రకటనలో జూన్ 1 నుంచి ఈ కొత్త విమాన సర్వీసు ప్రారంభమవుతుందని తెలిపారు. ఇండిగో సంస్థ ఈ సేవను నిర్వహించనుంది. ఉదయం 7:15 గంటలకు విజయవాడ నుంచి బయలుదేరిన విమానం, 8:25 గంటలకు విశాఖ చేరుకుంటుంది. తిరిగి ఉదయం 8:45 గంటలకు విశాఖ నుంచి బయలుదేరి, 9:45 గంటలకు విజయవాడకు చేరుకుంటుంది.

వివరాలు 

విజయవాడ-విశాఖ మార్గంలో ప్రయాణికులకు ఎంతో సౌలభ్యం

ఈ నూతన సర్వీసుతో విజయవాడ-విశాఖ మార్గంలో ప్రయాణికులకు ఎంతో సౌలభ్యం కలుగనుంది. ఇంతకు ముందు చెన్నై నుంచి మాత్రమే విశాఖకు వెళ్లే విమాన సర్వీసు ఉండగా, అది ఉదయం 8:05కు విజయవాడకు చేరి, 8:45కు విశాఖ వైపు బయలుదేరేది. కానీ, చెన్నై విమానంలో ఉన్న రద్దీ కారణంగా ప్రయాణికులు హైదరాబాద్ ద్వారా ప్రయాణించాల్సి వచ్చేది. ఇప్పుడు నేరుగా విమాన సర్వీసు ప్రారంభమవుతున్నందున ఈ ఇబ్బందులు తొలగిపోతాయని వారు భావిస్తున్నారు. ఇకపై విజయవాడ నుంచి ఉదయం విశాఖకు వెళ్లి తమ పనులు ముగించుకుని, రాత్రికి తిరిగి విజయవాడ చేరుకునే వీలుండబోతోంది.

వివరాలు 

విమాన సర్వీసు సామాన్య ప్రజలతో పాటు వ్యాపార వర్గాలకూ ఉపయోగం 

ఈ నేపథ్యంలో కేంద్రం తీసుకున్న నిర్ణయాన్ని భీమిలి శాసనసభ్యులు గంటా శ్రీనివాసరావు హర్షం వ్యక్తం చేశారు. జూన్ 1వ తేదీ నుంచి ప్రారంభమయ్యే ఈ ఇండిగో విమాన సర్వీసును ప్రారంభించేందుకు కృషి చేసిన కేంద్ర మంత్రి కె. రామ్మోహన్ నాయుడుకు ఆయన కృతజ్ఞతలు తెలిపారు. ఈ విమాన సర్వీసు సామాన్య ప్రజలతో పాటు వ్యాపార వర్గాలకూ ఎంతో ఉపయోగకరంగా ఉంటుందని పేర్కొన్నారు. ఇలాంటి మరిన్ని విమాన సర్వీసులు భవిష్యత్తులో కూడా ప్రారంభిస్తారని ఆశాభావం వ్యక్తం చేశారు.

ట్విట్టర్ పోస్ట్ చేయండి

గంటా శ్రీనివాసరావు చేసిన ట్వీట్