Celebrity Restaurants: హైదరాబాద్‌లో స్టార్ హీరోల రెస్టారెంట్లు.. మీ ఫేవరెట్ ఏది?
ఈ వార్తాకథనం ఏంటి
హైదరాబాద్ నగరంలో తెలుగు హీరోలకు చెందిన అనేక రెస్టారెంట్లు ఉన్నాయి. అయితే వాటికి స్టార్ హీరోల కనెక్షన్ ఉందని చాలా మందికి తెలియదు.
ఈ రెస్టారెంట్లు ప్రత్యేకమైన వాతావరణం, క్లాసీ డైనింగ్ అనుభూతిని అందిస్తాయి.నాగార్జున, మహేష్ బాబు, అల్లు అర్జున్ లాంటి స్టార్ హీరోల రెస్టారెంట్ల వివరాలను ఇక్కడ చూద్దాం.
1. శాంక్చువరీ - బార్ & కిచెన్
ఫిల్మ్ నగర్‌లోని విలాసవంతమైన ఈ రెస్టారెంట్ జూబ్లీహిల్స్ లో ఉంది. ఈ రెస్టారెంట్ రానా దగ్గుబాటి ప్రారంభించారు. ప్రశాంతమైన వాతావరణంతో పాటు విభిన్నమైన వంటకాలను ఇక్కడ అందిస్తున్నారు.
ఈ రెస్టారెంట్‌ను రానా కుటుంబానికి చెందిన ఇంటిని మార్పు చేసి తయారుచేశారు. ప్రైవేట్ డైనింగ్ గదులు, ప్రత్యేక బార్ వంటి ప్రత్యేకతలు ఉన్నాయి.
Details
2. గుడ్ వైబ్స్ ఓన్లీ కాఫీ
విజయ్ దేవరకొండ సోదరుడు ఆనంద్ దేవరకొండ ఈ కేఫ్ ను ప్రారంభించారు.
ఇది హైదరాబాద్‌లోని ఖాజాగూడలో ఉంది. బర్గర్లు, పిజ్జాలు, పాస్తాలు, తుర్కిష్ ఎగ్స్ వంటి వైవిధ్యమైన మెనూ లభిస్తుంది.
ప్రత్యేకంగా, కూర్గ్ ప్రాంతం నుండి తెప్పించిన కాఫీ బీన్స్‌తో తయారైన కాఫీ ఇక్కడ అందుబాటులో ఉంటుంది.
3. షోయు
హైదరాబాద్‌లో అత్యంత ఖరీదైన పాన్-ఆసియన్ రెస్టారెంట్లలో షోయు ఒకటి. ఇది మాదాపూర్‌లో ఉంది.
ఈ రెస్టారెంట్ అక్కినేని నాగ చైతన్యకు చెందినది. ఇందులో థాయ్ కర్రీలు, డిమ్‌సమ్స్, బావోస్, సుషీ, సూప్స్, నూడుల్స్ వంటి ఆసియన్ వంటకాలను ఇక్కడ రుచి చూడొచ్చు.
Details
4. బఫెలో వైల్డ్ వింగ్స్
అమెరికన్ స్పోర్ట్స్ బార్ అండ్ గ్రిల్ అయిన బఫెలో వైల్డ్ వింగ్స్‌లో అల్లు అర్జున్ పెట్టుబడి పెట్టారు.
ఈ రెస్టారెంట్ జూబ్లీహీల్స్‌లో ఉంది. పెద్ద స్క్రీన్లు, LED టీవీలతో అత్యంత శక్తివంతమైన లాంజ్‌గా రూపొందించారు.
ప్రత్యేక సాస్‌లతో కూడిన చికెన్ వింగ్స్, బసిల్ గ్రిల్డ్ ఫిష్, గ్రిల్డ్ పనీర్ స్కేవర్స్ వంటి ప్రత్యేక వంటకాలు లభిస్తాయి.
5. AN రెస్టారెంట్
మహేష్ బాబు, నమ్రతా ఈ రెస్టారెంట్‌ను ప్రారంభించారు. ఇది బంజారాహిల్స్ లో ఉంది.
ఇందులో మినర్వా కాఫీ షాప్ కూడా ఉంది. భారతీయ సంప్రదాయ ప్యాలెస్‌లను పోలిన ఈ రెస్టారెంట్ డెకరేషన్ ప్రత్యేక ఆకర్షణ.
Details
6. బీంజ్ కాఫీ షాప్
శర్వానంద్ ప్రారంభించిన ఈ కేఫ్ జూబ్లీహిల్స్ ఉంది. ఇందులో విభిన్న రకాల కాఫీలు, టీస్తో పాటు అరటికాయ బజ్జి, మిర్చి బజ్జి, పునుగులు వంటి స్నాక్స్ లభిస్తాయి.
7. ఉలవచారు
ప్రముఖ దర్శకుడు సురేందర్ రెడ్డి స్వయంగా నిర్వహిస్తున్న ఈ రెస్టారెంట్ ఉలవచారు బిర్యానీకి ప్రసిద్ధి చెందింది.
తెలంగాణ, ఆంధ్ర స్టైల్ వంటకాలు ఇక్కడ ప్రత్యేక ఆకర్షణ. ఈ రెస్టారెంట్ జూబ్లీహిల్స్, గచ్చిబౌలి వంటి ప్రాంతాల్లో ఉన్నాయి.
Details
8. మాయాబజార్
సినీ నటుడు శశాంక్ స్వయంగా ప్రారంభించిన ఈ రెస్టారెంట్ పేరు వినగానే క్లాసిక్ తెలుగు సినిమాను గుర్తుచేస్తుంది. ప్రత్యేకంగా దక్షిణాది వంటకాలు ఇక్కడ లభిస్తాయి. ఇది హైదరాబాద్‌లోని కర్ణానాలో ఉంది.
9. వివాహ భోజనంబు
సందీప్ కిషన్ ప్రారంభించిన వివాహ భోజనంబు రెస్టారెంట్, దక్షిణాది సంప్రదాయ వంటకాల కోసం ప్రసిద్ధి. విజయవంతంగా అనేక బ్రాంచీలు నడుస్తున్నాయి. వీటి బ్రాంచ్‌లు సికింద్రబాద్, జూబ్లీహిల్స్ వంటి ప్రాంతాల్లో ఉన్నాయి.
ఈ హీరోలు ఏర్పాటు చేసిన రెస్టారెంట్లు హైదరాబాద్ ఫుడ్ లవర్స్‌కి కొత్త అనుభూతిని అందిస్తున్నాయి. విభిన్నమైన వంటకాలను ఆస్వాదించేందుకు వీటిని తప్పక సందర్శించండి!