OpenAI: త్వరలో భారత్‌లో ఓపెన్‌ ఏఐ ప్రత్యేక యూనిట్ ప్రారంభం..!
ఈ వార్తాకథనం ఏంటి
చాట్‌జీపీటీ మాతృసంస్థ ఓపెన్‌ఏఐ (OpenAI)తన కార్యకలాపాలను భారత్‌లో విస్తరించడానికి ప్రణాళికలు రూపొందిస్తోంది. దీనికి అనుగుణంగా, ఈ ఏడాది చివరిలో న్యూదిల్లీలో కార్యాలయం ప్రారంభించేందుకు ఏర్పాట్లు చేస్తున్నట్లు సంస్థ ప్రకటించింది. భారత్‌లో చాట్‌జీపీటీ వినియోగం భారీగా పెరుగుతున్నందున ఈ నిర్ణయం తీసుకోవడం జరిగింది. ఓపెన్‌ఏఐ సీఈవో సామ్ ఆల్ట్‌మాన్‌ ప్రకారం,''భారత్‌లో కృత్రిమ మేధ (AI)కు అద్భుతమైన అవకాశాలు ఉన్నాయి. గ్లోబల్ ఏఐ లీడర్‌గా ఎదగడానికి కావలసిన ప్రతిభ,ప్రపంచ స్థాయి డెవలపర్ సిస్టమ్‌లు,బలమైన ప్రభుత్వ మద్దతు అన్నిఇవి భారత్‌లో లభ్యమవుతున్నాయి. భారతదేశంలో తొలి ఆఫీస్ ప్రారంభించి స్థానిక టీమ్‌ను ఏర్పాటు చేయడం మాకు కృత్రిమ మేధను మరింత ప్రజలకు చేరువ చేయడానికి ప్రథమ దశ''అని తెలిపారు. అయితే ఈవిషయాన్ని భారత ప్రభుత్వం కూడా ధ్రువీకరించాల్సి ఉంది.
వివరాలు
వీక్లీ యాక్టివ్ యూజర్ల సంఖ్య గత ఏడాది తేడాతో పోలిస్తే నాలుగింతలు
ఇంకా, ఓపెన్‌ఏఐ ఇప్పటికే ఇండియా ఏఐ మిషన్ భాగస్వామిగా మారడానికి అంగీకరించిన విషయం తెలిసిందే. దీని ద్వారా ప్రభుత్వం కోసం ఏఐ ఆధారిత వ్యవస్థలు రూపొందించడం జరుగుతుంది. ఈ ప్రాజెక్టులో భాగమై భారతదేశంలో తమ సేవలను మరింత మెరుగ్గా అందించగలరని సంస్థ భావిస్తోంది. ప్రస్తుతం భారత్‌లో లక్షల మంది విద్యార్థులు, ఎడ్యుకేటర్లు, ప్రొఫెషనల్స్‌, డెవలపర్లు దీనిని వాడుతున్నారు. వీక్లీ యాక్టివ్ యూజర్ల సంఖ్య గత ఏడాది తేడాతో పోలిస్తే నాలుగింతలు వేగంగా పెరుగుతోంది. అలాగే, ఓపెన్‌ఏఐ వేదికలో టాప్-5 డెవలపర్ మార్కెట్లలో భారత్‌ కూడా ఒకటి. చాట్‌జీపీటీలో అత్యధిక సంఖ్యలో విద్యార్థులు ఉన్న దేశం కూడా భారత్‌నే.
వివరాలు
భారత మార్కెట్ కోసం ఓపెన్‌ఏఐ 'చాట్‌జీపీటీ గో'
భారత మార్కెట్ కోసం ఓపెన్‌ఏఐ 'చాట్‌జీపీటీ గో' అనే కొత్త సేవను ప్రారంభించింది. ఈ సబ్‌స్క్రిప్షన్ ప్లాన్‌ రూ.399కి అందుబాటులో ఉంటుంది. దీనిలో మెసేజ్‌లు, ఇమేజ్‌ జనరేషన్, ఫైల్ అప్‌లోడ్‌ల సంఖ్యను భారీగా అనుమతించనుంది. ఇండియన్ భాషల మద్దతుతోపాటు, UPI ద్వారా చెల్లింపు సౌలభ్యం కూడా అందించనుంది.