Cricket: క్రికెట్ గురించి చాలా మందికి తెలియని కొన్ని ఆసక్తికర అంశాలు ఉన్నాయి. అవేంటంటే?
ప్రపంచంలో క్రికెట్‌కు అభిమానుల సంఖ్య చాలా ఎక్కువ. వీటిలో భారత్ కి ప్రత్యేక స్థానం ఉంది. ఇంగ్లాండ్‌లో ప్రారంభమైన ఈ ఆట, ప్రపంచవ్యాప్తంగా ప్రజల హృదయాలను ఆకర్షించింది. మీరు క్రికెట్‌ను చాలా కాలంగా చూస్తున్నా,లేక కొత్తగా అభిమానిగా మారినా, అందరికీ తెలియని ఆసక్తికరమైన విషయాలను తెలుసుకోవడం సంతోషకరం. ఇప్పుడు క్రికెట్ గురించి కొన్ని ఆశ్చర్యకరమైన అంశాలను తెలుసుకుందాం.
క్రికెట్ గురించి కొన్ని ఆశ్చర్యకరమైన అంశాలు ఇవే..
మొదటి అంతర్జాతీయ క్రికెట్ మ్యాచ్: మొదటి అంతర్జాతీయ క్రికెట్ మ్యాచ్‌లో భారత్ లేదా ఆస్ట్రేలియా వంటి ప్రఖ్యాత జట్లు పాల్గొనలేదు. 1844లో న్యూయార్క్‌లోని సెయింట్ జార్జ్ క్రికెట్ క్లబ్‌లో జరిగిన మ్యాచ్‌లో అమెరికా, కెనడా తలపడ్డాయి. ఈ మ్యాచ్‌లో కెనడా 23 పరుగుల తేడాతో విజయం సాధించింది. 500 సంవత్సరాల చరిత్ర: క్రికెట్‌కు గొప్ప చరిత్ర ఉంది. 16వ శతాబ్దం మధ్యకాలంలో ఈ ఆట ప్రారంభమైంది. ఇంగ్లండ్ లో ప్రారంభమై, ఆ దేశ జాతీయ క్రీడగా గుర్తించబడింది. అంటే, బ్యాట్, బాల్ దాదాపు 500 సంవత్సరాల క్రితం ఉన్నాయని అర్థమవుతుంది.
క్రికెట్ గురించి కొన్ని ఆశ్చర్యకరమైన అంశాలు ఇవే..
మొదటి మహిళల క్రికెట్ మ్యాచ్: మహిళల క్రికెట్‌కు కూడా ఒక చరిత్ర ఉంది. మొట్టమొదటిసారిగా మహిళల క్రికెట్ మ్యాచ్ 1745లో ఇంగ్లాండ్‌లోని సర్రేలో జరిగింది. ఇది దాదాపు 300 సంవత్సరాల క్రితం! ఒలింపిక్స్ పోటీలో ఫ్రాన్స్: 1900లో ఒలింపిక్స్‌లో క్రికెట్ కూడా జరిగింది. పోటీలో పాల్గొన్న రెండు జట్లలో ఫ్రాన్స్ ఒకటి. అయితే, ఆ జట్టులోని ఆటగాళ్లలో చాలామంది నిజంగా ఫ్రెంచ్ కాదు. అప్పటినుండి ఒలింపిక్స్‌లో క్రికెట్ జరగలేదు.
క్రికెట్ గురించి కొన్ని ఆశ్చర్యకరమైన అంశాలు ఇవే..
దురదృష్టకరమైన నంబర్: క్రికెట్‌లో 111 నంబర్‌ను దురదృష్టంగా భావిస్తారు. దీనిని నెల్సన్ నంబర్ అంటారు. జట్టు లేదా ఆటగాడు 111 పరుగులకు చేరుకుంటే వికెట్ పడిపోతుందని నమ్మకం ఉంది. ఈ పేరు అడ్మిరల్ నెల్సన్ నుండి వచ్చింది, అతడు ఒక ప్రమాదంలో ఒక కన్ను, ఒక చేయి కోల్పోయాడు. అంపైర్ డేవిడ్ షెపర్డ్ ఈ నంబర్‌ను పాపులర్ చేశాడు. జట్టు స్కోరు 111 లేదా దాని మల్టిపుల్ (ఉదా: 222 లేదా 333) అయితే, అతడు ఒక కాలు మీద గెంతేవాడు. 2011 నవంబర్ 11న ఉదయం 11:11 గంటలకు, దక్షిణాఫ్రికా ఆస్ట్రేలియాను ఓడించేందుకు 111 పరుగులు చేయాల్సి వచ్చింది, అప్పుడు డేవిడ్ షెపర్డ్, ప్రేక్షకులు ఒక్క కాలిపై నిల్చున్నారు.
క్రికెట్ గురించి కొన్ని ఆశ్చర్యకరమైన అంశాలు ఇవే..
వేగవంతమైన బంతి: 'రావల్పిండి ఎక్స్‌ప్రెస్'గా ప్రసిద్ధి చెందిన పాకిస్థాన్ బౌలర్ షోయబ్ అక్తర్, క్రికెట్ చరిత్రలో అత్యంత వేగంగా బౌలింగ్ చేసిన రికార్డు క్రియేట్ చేశాడు. 2003 క్రికెట్ ప్రపంచ కప్ సమయంలో ఇంగ్లాండ్‌తో జరిగిన మ్యాచ్‌లో 161.3 km/h (100.2 mph) వేగంతో బౌలింగ్ చేశాడు. సుదీర్ఘమైన క్రికెట్ మ్యాచ్: 1939 మార్చిలో దక్షిణాఫ్రికా ఇంగ్లాండ్ మధ్య జరిగిన టెస్టు మ్యాచ్ 9 రోజుల పాటు సాగింది. ఈ సమయంలో, మ్యాచ్ డ్రాగా ముగిసింది. అత్యధిక టెస్టు స్కోరు: టెస్టు చరిత్రలో అత్యధిక వ్యక్తిగత స్కోరు రికార్డు వెస్టిండీస్ దిగ్గజం బ్రియాన్ లారా పేరిట ఉంది. 2004లో ఇంగ్లాండ్‌తో జరిగిన మ్యాచ్‌లో అతడు అజేయంగా 400 పరుగులు చేశాడు.
క్రికెట్ గురించి కొన్ని ఆశ్చర్యకరమైన అంశాలు ఇవే..
అంపైర్లు బెయిల్స్ తీసివేయవచ్చు: గాలులు ఎక్కువగా వీస్తున్నప్పుడు, క్రికెట్ అంపైర్లు బెయిల్స్‌ను తీసివేయవచ్చు, తద్వారా అవి గాలికి ఎగిరిపోకుండా ఉండగలవు. పాపులర్ క్రికెట్ లీగ్: భారతదేశంలోనే కాకుండా, ప్రపంచంలో అత్యంత పాపులారిటీ సాధించిన క్రికెట్ లీగ్ అయిన ఇండియన్ ప్రీమియర్ లీగ్ (IPL), ప్రజాదరణలో ప్రపంచవ్యాప్తంగా అన్ని క్రీడల లీగ్‌లలో 6వ స్థానంలో ఉంది. మారని పిచ్: క్రికెట్ పుట్టినప్పటి నుండి ఆటలో అనేక నిబంధనలు మారాయి. కానీ 22 గజాల క్రికెట్ పిచ్ పొడవు ఆట ప్రారంభించిన రోజులు నుండి మారలేదు.
క్రికెట్ గురించి కొన్ని ఆశ్చర్యకరమైన అంశాలు ఇవే..
చెత్త బ్యాటర్: న్యూజిలాండ్ ఆటగాడు క్రిస్ మార్టిన్ క్రికెట్ చరిత్రలో అత్యంత చెత్త బ్యాటర్‌గా గుర్తింపు పొందాడు. అతని బ్యాటింగ్ యావరేజ్ చాలా తక్కువగా ఉంది. 71 మ్యాచుల్లో 2.36 యావరేజ్‌తో 123 పరుగులు మాత్రమే చేశాడు. వరల్డ్ ఫేమస్ స్పోర్ట్: క్రికెట్‌కు ప్రపంచవ్యాప్తంగా 2.5 బిలియన్ల మంది అభిమానులు ఉన్నారు. సాకర్ తర్వాత, ఇది ప్రపంచంలో రెండో అత్యంత ప్రజాదరణ పొందిన క్రీడగా ఉంది. భారతదేశం, ఆస్ట్రేలియా, యూకేలో భారీగా అభిమానులు ఉన్నారు.
