ఆ విషయంలో వెనక్కి తగ్గం.. ఇంగ్లండ్ కోచ్ బ్రెండన్ మెక్‌కలమ్
ఈ వార్తాకథనం ఏంటి
యాషెస్ సిరీస్ తొలి టెస్టులో ఆస్ట్రేలియా చేతిలో ఇంగ్లండ్ పరాజయం పాలైంది. జో రూట్ అద్భుతంగా ఆడుతున్న తొలి రోజునే ఇంగ్లండ్ కెప్టెన్ బెన్ స్టోక్స్ తొలి ఇన్నింగ్స్ ను డిక్లేర్ చేశాడు. ఈ నిర్ణయమే ఇంగ్లండ్ జట్టు ఓటమికి కారణమని విమర్శలు వస్తున్నాయి.
దూకుడుగా ఆడాలి గానీ, మరి ఎక్కువైతే కష్టమనే కామెంట్లు వినిపించాయి. లార్డ్స్ వేదికగా జూన్ 28న యాషెస్ సిరీస్‌లో రెండు టెస్టు మొదలు కానుంది. ఈ నేపథ్యంలో ఇంగ్లండ్ హెడ్ కోచ్ బ్రెండన్ మెక్ కలమ్ కీలక విషయాలను వెల్లడించారు.
లార్డ్స్ టెస్టులో మరింత దూకుడుగా ఆడతామని అతను స్పష్టం చేశారు. బజ్‌బాల్ విధానంలో ఏ మాత్రం వెనక్కి తగ్గమని తెలిపారు.
Details
అదృష్టం కలిసి రాలేదన్న మెక్‌కలమ్
తమ టెస్టులో మొదటి టెస్టును ఆడి, ముందుకు తీసుకెళ్లామని, ఆస్ట్రేలియా ప్లేయర్లు వారి స్టైల్ లో ఆడి గెలిచారని, తాము మాత్రం మరింత ఎక్కువ ముందుకెళ్తామని, అయితే ఈ సిరీస్ మొత్తం చాలా రసవత్తరంగా సాగుతుందని మెక్‌కలమ్ చెప్పుకొచ్చాడు.
తొలి టెస్టు ఆడిన తీరు సంతృప్తికరంగానే అనిపించిందని, అయితే అదృష్టం కలిసి రాలేదని పేర్కొన్నారు.
యాషెస్ తొలి టెస్టు చివరి రోజు ఇంగ్లండ్ ఓ దశలో గెలిచేలా కనిపించినా ఆస్ట్రేలియా కెప్టెన్ పాట్ కమిన్స్ వీరోచిత పోరాటం చేసి ఆ జట్టుకు విజయాన్ని అందించాడు.