టీమిండియాకు గుడ్‌న్యూస్.. ఆ సిరీస్‌కు ఇద్దరు స్టార్ ప్లేయర్లు రెడీ
ఈ వార్తాకథనం ఏంటి
భారత జట్టులో పలువురు కీలక ఆటగాళ్లు గాయాలతో ఇబ్బంది పడుతున్నారు. మరోవైపు ఆసియా కప్, వన్డే వరల్డ్ కప్ సిరీస్‌లు దగ్గరికి వస్తున్నాయి. తాజాగా ఇద్దరు కీలక ఆటగాళ్లు ఆసియా కప్‌కు సిద్ధమవుతున్నట్లు సమాచారం.
భారత్ వేదికగా జరిగే వన్డే ప్రపంచ కప్ మెగా టోర్నీకి సమయం దగ్గరపడుతోంది. అక్టోబర్-నవంబర్‌లో ప్రారంభం కానున్న ఈ ప్రపంచ కప్ టూర్ కు ముందు టీమిండియా జట్టుకు కొన్ని సానుకూల వార్తలు వస్తున్నాయి.
వన్డే వరల్డ్ కప్ ముందు భారత జట్టులోని ముగ్గురు ఆటగాళ్లు కోలుకొనే అవకాశాలు ఉన్నట్లు స్పష్టంగా కనిపిస్తోంది. ప్రస్తుతం ఎన్‌సీఏలో ఉన్న ఉన్న జస్ప్రిత్ బుమ్రా, కేఎల్ రాహుల్, శ్రేయస్ అయ్యర్ వేగంగా కోలుకుంటున్నట్లు తెలుస్తోంది.
Details
ఆసియా కప్ కు అందుబాటులో బుమ్రా
జస్ప్రిత్ బుమ్రా, కేఎల్ రాహుల్ ఆసియా టోర్నీకి అందుబాటులో ఉండనున్నట్లు స్పష్టమవుతోంది.
శ్రేయస్ అయ్యర్ ఇంకా పూర్తిగా కోలుకోకపోవడంతో అతని స్థానంలో సంజుశాంసన్, సూర్యకుమార్ యాదవ్‌లకు వన్డే ప్రపంచ కప్ లో అవకాశం దక్కే ఛాన్స్ ఉంది.
గతేడాది మార్చిలో శస్త్రచికిత్స చేయించుకున్న బుమ్రా, ప్రస్తుతం ఎన్‌సీఏలో బౌలింగ్ ప్రాక్టీస్ కూడా చేస్తున్నాడు. వెస్టిండీస్ తర్వాత జరిగే ఐర్లాండ్ సిరీస్ పర్యటనకు అతను సిద్ధంగా ఉండనున్నట్లు తెలుస్తోంది.
కేఎల్ రాహుల్ తొడ నొప్పి కారణంగా ఐపీఎల్ 16వ సీజన్‌ నుంచి తప్పుకున్నాడు. తర్వాత శస్త్ర చికిత్స చేయించుకున్నాడు. ప్రస్తుతం రాహుల్ కూడా ఎన్‌సీఏలో వేగంగా కోలుకుంటున్నట్లు తెలుస్తోంది.