Shikhar-Virat: శిఖర్.. నీ నవ్వును మిస్ అవుతున్నాం : విరాట్ కోహ్లీ
ఈ వార్తాకథనం ఏంటి
టీమిండియా వెటరన్ శిఖర్ ధావన్ అంతర్జాతీయ క్రికెట్‌కు రిటైర్మెంట్ ప్రకటించిన విషయం తెలిసిందే.
ఇంటర్నేషన్ క్రికెట్‌తో పాటు దేశీవాళీ క్రికెట్ నుంచి కూడా ధావన్ తప్పుకున్నాడు. ప్రస్తుత, మాజీ క్రికెటర్లు అభిమానులు పెద్ద ఎత్తున స్పందించారు.
ఇప్పటికే వీరేంద్ర సెహ్వాగ్, సచిన్ టెండూల్కర్, వీవీఎస్ లక్ష్మణ్, గౌతమ్ గంభీర్ వంటి దిగ్గజ క్రికెటర్లు శుభాకాంక్షలు తెలిపారు.
తాజాగా టీమిండియా స్టార్ విరాట్ కోహ్లీ కూడా ధావన్ రిటైర్మెంట్‌పై స్పందిస్తూ ఓ భావోద్వేగ పోస్టును షేర్ చేశాడు.
Details
'రెండో ఇన్నింగ్స్‌కు ఆల్ దిబెస్ట్' : కోహ్లీ
శిఖర్.. అరంగేట్ర మ్యాచులోనే అద్భుత ప్రదర్శన చేసి, అద్భుతమైన ఓపెనర్లలో ఒకడిగా నిలిచాడని కొనియాడారు.
మాకు ఎన్నో లెక్కలేనన్ని జ్ఞాపకాలను అందించావని, నీకు ఆట పట్ల అభిరుచి, క్రీడాస్ఫూర్తి, నీ చిరునవ్వును తాము కచ్చితంగా మిస్ అవుతామని విరాట్ కోహ్లీ పేర్కొన్నాడు.
ఎన్నో జ్ఞాపకాలు, మరపురాని ప్రదర్శనలు ఇచ్చినందుకు ధ‌న్య‌వాదాలని, ఆఫ్‌ది ఫీల్డ్ మొదలు పెట్టబోయే నీ రెండో ఇన్నింగ్స్‌కు ఆల్ దిబెస్ట్ అని కోహ్లీ 'ఎక్స్'లో రాసుకొచ్చాడు.
టీమిండియా తరుఫున శిఖర్ ధావన్ 167 వన్డేలు, 34 టెస్టులు, 68 టీ20లు ఆడాడు.