IPL 2025 Auction: ఈ దశాబ్దంలోనే IPL 2025 అతిపెద్ద మెగా వేలం - ఎందుకంటే?
ఈ వార్తాకథనం ఏంటి
ఇండియన్ ప్రీమియర్ లీగ్ (ఐపీఎల్) ప్రతి సీజన్ తో మరింత ప్రాచుర్యం పొందుతూనే ఉంది.
2025 సీజన్‌ను చారిత్రాత్మకంగా మార్చేందుకు బీసీసీఐ అన్ని రకాల ప్రయత్నాలు చేస్తోంది.
పెరిగిన బడ్జెట్‌లు, అత్యంత విలువైన ఆటగాళ్లు, కొత్త నిబంధనలు, యువ ఆటగాళ్ల ఆవిష్కరణలు ఇవన్నీ 2025 సీజన్‌పై భారీ అంచనాలు పెంచుతున్నాయి.
ఈ సీజన్‌కు సంబంధించిన శ్యాలరీ క్యాప్‌ను రూ.120 కోట్లకు పెంచారు, ఇందులో ఆటగాళ్ల వేలం పర్స్, బోనస్‌లు, మ్యాచ్ ఫీజులు అంతా కలిపి ఉన్నాయి.
వివరాలు
2025 మెగా వేలం: కొత్త అధ్యాయం
రాబోయే 2025 ఐపీఎల్ మెగా వేలం ఐపీఎల్ చరిత్రలోనే అతి పెద్ద ఈవెంట్‌గా మారబోతోంది.
ఈ భారీ వేలం నవంబర్ 24, 25 తేదీల్లో సౌదీ అరేబియాలోని జెడ్డాలో జరుగనుంది.
ఇందులో 1,574 మంది ప్లేయర్లు తమ పేరు నమోదు చేసుకోగా, 574 మందిని షార్ట్‌లిస్ట్ చేశారు. ఇందులో 409 మంది అంతర్జాతీయ ఆటగాళ్లు ఉండటం విశేషం.
వివరాలు
టీమ్ ఇండియా స్టార్ ప్లేయర్ల హాజరు
ఈ సారి భారత జట్టు స్టార్ ఆటగాళ్లు కూడా వేలంలో పాల్గొంటున్నారు. కెప్టెన్సీలో అనుభవం ఉన్న రిషబ్ పంత్, కేఎల్ రాహుల్, శ్రేయస్ అయ్యర్ వంటి ప్లేయర్ల కోసం ఫ్రాంచైజీలు పోటీ పడుతున్నాయి.
రిషబ్ పంత్: వికెట్ కీపింగ్, బ్యాటింగ్, కెప్టెన్సీలో తన సత్తా చాటిన పంత్ భారీ ధరకు వేలంలో అమ్ముడవుతాడని భావిస్తున్నారు. గత ఏడాది మిచెల్ స్టార్క్ పెట్టిన రూ.24.75 కోట్ల రికార్డును పంత్ అధిగమించవచ్చని అంచనా.
కేఎల్ రాహుల్: అనుభవజ్ఞుడైన రాహుల్ కూడా అత్యంత ఖరీదైన ఆటగాళ్ల జాబితాలో చేరే అవకాశం ఉంది. శ్రేయాస్ అయ్యర్: కేకేఆర్‌కు టైటిల్ అందించిన కెప్టెన్ అయ్యర్‌ను కూడా కొనుగోలు చేసేందుకు ఫ్రాంచైజీలు పోటీ పడతాయి.
వివరాలు
ప్లేయర్ రిటెన్షన్ రికార్డులు
వేలానికి ముందే 2025 సీజన్ రికార్డులను బద్దలు కొట్టింది. హెన్రిచ్ క్లాసెన్ ఏకంగా రూ.23 కోట్లతో సన్‌రైజర్స్ హైదరాబాద్ ద్వారా అత్యంత ఖరీదైన రిటెన్షన్ ప్లేయర్‌గా నిలిచాడు. విరాట్ కోహ్లి (ఆర్సీబీ రూ.21 కోట్లు), నికోలస్ పూరన్ (లఖ్నవూ రూ.21 కోట్లు) వంటి ఆటగాళ్లు కూడా భారీ రేట్లను పొందారు.
వేలంలో ముఖ్య ఫ్రాంచైజీలు
ఈ సారి వేలంలో పంజాబ్ కింగ్స్ (రూ.110.5 కోట్లు), రాయల్ ఛాలెంజర్స్ బెంగళూరు (రూ.83 కోట్లు), దిల్లీ క్యాపిటల్స్ (రూ.73 కోట్లు) వంటి జట్ల వద్ద పెద్ద మొత్తంలో నిధులు ఉన్నాయి.
వివరాలు
కీలక విదేశీ ప్లేయర్లు
వేలంలో జోస్ బట్లర్, మిచెల్ స్టార్క్, కగిసో రబాడ, డేవిడ్ మిల్లర్ వంటి స్టార్ ప్లేయర్లు అందుబాటులో ఉన్నారు.
ప్రత్యేకంగా, ఇంగ్లాండ్‌కు చెందిన లెజెండరీ పేసర్ జేమ్స్ ఆండర్సన్ తొలిసారిగా రూ.1.25 కోట్ల బేస్ ప్రైస్‌తో వేలంలోకి అడుగుపెడుతున్నాడు.
అందువల్ల, ఈ సారి ఐపీఎల్ 2025 మెగా వేలం అభిమానులకు మరపురాని అనుభవాన్ని అందిస్తుందని స్పష్టంగా తెలుస్తోంది.