North Korean cyber criminal: ప్రైవేట్ కంపెనీలో ఉద్యోగిగా చేరి.. సంస్థ డేటాను హ్యాక్ చేసిన ఉత్తర కొరియా సైబర్ నేరస్థుడు
ఈ వార్తాకథనం ఏంటి
ఉత్తర కొరియా నుండి వచ్చిన సైబర్ నేరస్థుడు ఒక ప్రైవేట్ సంస్థలో కాంట్రాక్ట్ ఉద్యోగిగా చేరి, ఆ సంస్థను హ్యాక్ చేయడానికి ప్రయత్నించాడు.
అంతర్జాతీయ మీడియా కథనాల ప్రకారం, కొన్ని రోజుల క్రితం ఉత్తర కొరియాకు చెందిన సైబర్ నేరస్థుడు తన పేరు, వివరాలను మార్చుకొని ఒక కంపెనీలో రిమోట్ ఐటీ వర్కర్‌గా చేరాడు.
ఆ కంపెనీ లండన్, అమెరికా, ఆస్ట్రేలియా వంటి దేశాలలో బ్రాంచీలను కలిగి ఉంది.
నేరస్థుడు ఉద్యోగంలో చేరిన తర్వాత, తనకు ఇచ్చిన కంపెనీ యాక్సెస్‌ను ఉపయోగించి సంస్థకు చెందిన సున్నితమైన డేటాను దొంగిలిస్తూ, ఆ రహస్య సమాచారాన్ని ఇతరులకు బదిలీ చేశాడు.
మొత్తం నెట్‌వర్క్‌ను కూడా హ్యాక్ చేయడానికి ప్రయత్నించాడు.
వివరాలు
ఉత్తర కొరియాకు చెందిన సైబర్ నేరస్థులు ఎక్కువ..
కానీ, అతడు తన విధులను సమర్థవంతంగా నిర్వర్తించకపోవడంతో పాటు, పలు ఇతర కారణాల వల్ల, అతడిని కంపెనీ ఉద్యోగం నుండి తొలగించింది.
యాజమాన్యం అతడి మెయిల్‌ను పరిశీలించడంతో ఈ విషయాలు బయటకు వచ్చాయి.
అతడిని సైబర్ నేరస్థుడిగా గుర్తించారు. నేరస్థుడు, కంపెనీకి డేటాను ఇవ్వడానికి తిరస్కరించిన తర్వాత, డబ్బులు చెల్లించాలని బెదిరింపులకు పాల్పడ్డాడని యాజమాన్యం సైబర్ సెక్యూరిటీ సంస్థ సెక్యూర్‌వర్క్స్‌కు తెలియజేసింది.
2022 సంవత్సరం నుండి ప్రపంచవ్యాప్తంగా ఇటువంటి సైబర్ నేరస్థులు వివిధ కంపెనీల డేటాలను దొంగిలిస్తున్నారని సైబర్ సెక్యూరిటీ అధికారులు హెచ్చరిస్తున్నారు.
ఈ విషయాలలో కంపెనీలు అప్రమత్తంగా ఉండాలని సూచించారు. వీరిలో ఉత్తర కొరియాకు చెందిన సైబర్ నేరస్థులు ఎక్కువగా ఉన్నట్లు పేర్కొన్నారు.