Donald Trump: భారత్, చైనా దిగుమతులపై 100 శాతం సుంకాలు విధించండి .. ఈయూకు ట్రంప్ సూచన!
ఈ వార్తాకథనం ఏంటి
ఉక్రెయిన్ యుద్ధానికి శాంతి ముగించే అంశంపై అమెరికా అధ్యక్షుడు డొనాల్డ్ ట్రంప్ విశ్వ ప్రయత్నాలు చేస్తున్నారు. ఈ యత్నాల్లో భాగంగా, రష్యాపై ఆర్థిక ఒత్తిడిని పెంచే దిశగా భారత్, చైనా వంటి కీలక దేశాలపై భారీగా 100 శాతం సుంకాలు విధించాలని ట్రంప్ ఆలోచిస్తున్నారు. ఈ విషయంలో ప్రత్యేకంగా యూరోపియన్ యూనియన్ (ఈయూ)కి మద్దతు కోరుతూ ఆదేశాలు పంపినట్లు ఫైనాన్షియల్‌ టైమ్స్‌ పేర్కొన్నట్లు పలు మీడియా కథనాలు వెల్లడిస్తున్నాయి.
వివరాలు
అమెరికా సూచనలు అమలుచేసేందుకు సిద్ధం: ఈయూ
ఈ నేపథ్యంలో, రష్యాపై మరింత కఠినమైన ఆంక్షలు విధించడానికి సీనియర్ అమెరికన్, ఈయూ అధికారుల సమావేశం వాషింగ్టన్‌లో జరిగింది. ఈ సమావేశ సమయంలో ట్రంప్ ప్రత్యేకంగా ఈయూ అధికారులు,భాగస్వామ్యులతో కాన్ఫరెన్స్ కాల్ ద్వారా మాట్లాడారు. ఆయ‌న ప్రతిపాదించిన ప్రణాళిక ప్రకారం, రష్యా చమురు కొనుగోలు కొనసాగించే వరకు భారత్, చైనా నుండి వచ్చే దిగుమతులపై 100 శాతం సుంకాలు విధించాలని సూచించారు. అమెరికా అధికారుల ప్రకారం, 'మేము ఈ చర్యలకు సిద్ధంగా ఉన్నాం. అయితే, దీన్ని సమర్థవంతంగా అమలుచేయాలంటే యూరోపియన్ భాగస్వామ్యులతో సమన్వయం అవసరం' అని స్పష్టం చేశారు. ఈయూ అధికారులు కూడా అమెరికా సూచనలు అమలుచేసేందుకు తాము సిద్ధంగా ఉన్నామని పేర్కొన్నట్లు సమాచారం.