Unstoppable Season 4: 'అన్‌స్టాపబుల్ 4'లో ఫస్ట్ ఎపిసోడ్ ఎవరిదో తెలుసా?.. బాల‌య్య ప్లాన్ మాములుగా లేదుగా..!
తెలుగు సినిమా ప్రేక్షకులకు 'అన్‌స్టాపబుల్' టాక్ షో ద్వారా గాడ్ ఆఫ్ మాసెస్, నట సింహం నందమూరి బాలకృష్ణలో ఎవరికీ తెలియని కోణాన్ని పరిచయం చేసింది ఆహా ఓటీటీ. ఇప్పటికే మూడు సీజన్లు విజయవంతంగా పూర్తి చేసుకుంది. అతి త్వరలో నాలుగో సీజన్ ప్రారంభమయ్యేందుకు రెడీ అవుతోంది. 'అన్‌స్టాపబుల్ 4'లో ఫస్ట్ ఎపిసోడ్ ఎవరిదో తెలుసా?
ఏపీ సీఎం చంద్రబాబుతో 'అన్‌స్టాపబుల్ 4' మొదలు
ప్రస్తుత ఏపీ ముఖ్యమంత్రి, తెలుగుదేశం పార్టీ అధినేత నారా చంద్రబాబు నాయుడు ఎపిసోడ్‌తో 'అన్‌స్టాపబుల్' నాలుగో సీజన్ ప్రారంభం కానుంది. ఆ ఎపిసోడ్ షూటింగ్ ఆదివారం హైదరాబాద్ అన్నపూర్ణ స్టూడియోలో ఈ షో కోసం ప్రత్యేకంగా వేసిన సెట్‌లో జరగనుంది. ఆయన్ను బాలకృష్ణ ఇంటర్వ్యూ చేయనున్నారు. చంద్రబాబుతో పాటు ఏపీ డిప్యూటీ సీఎం, జనసేన పార్టీ అధినేత పవర్ స్టార్ పవన్ కళ్యాణ్ కూడా ఈ షోలో పాల్గొంటారని ప్రచారం జరుగుతోంది, అయితే అది ఇంకా కన్ఫర్మ్ కాలేదు. ఏపీ సీఎం రావడం మాత్రం ఖరారు అయింది.
Unstoppable With NBK season 4 ఫస్ట్ ఎపిసోడ్
'అన్‌స్టాపబుల్' షోలో ఇంతకు ముందు ఓసారి చంద్రబాబు సందడి చేశారు. ఆయనతో పాటు తనయుడు నారా లోకేష్ కూడా సీజన్ 2లో పాల్గొన్నారు. అప్పుడు ఆయన ఏపీకి ముఖ్యమంత్రి కాదు. ఇప్పుడు సీఎం హోదాలో ఆయన వస్తుండటం వలన ఈ ఎపిసోడ్ కు సర్వత్రా ఆసక్తి నెలకొంది. ఏపీలో ఎన్నికలకు ముందు పరిస్థితులు, ప్రస్తుతం చేపడుతున్న అభివృద్ధి కార్యక్రమాలు, విజన్ వంటి విషయాలను వివరించే అవకాశం ఉందని అనుకుంటున్నారు. ఐకాన్ స్టార్ అల్లు అర్జున్ కూడా 'అన్‌స్టాపబుల్ 4'లో సందడి చేయనున్నారు. ఆ ఎపిసోడ్ షూటింగ్ ఆల్రెడీ పూర్తి అయ్యిందని సమాచారం.
అల్లు అర్జున్... అలాగే 'లక్కీ భాస్కర్', 'కంగువ' టీమ్స్!
అలాగే, ఈ సీజన్‌లో ఇతర భాషలకు చెందిన హీరోలను కూడా ఈ షోకి తీసుకువస్తున్నారు. మలయాళ స్టార్ దుల్కర్ సల్మాన్, కోలీవుడ్ స్టార్ సూర్య తమ తాజా సినిమాల టీమ్స్ ద్వారా షోలో పాల్గొంటారని సమాచారం. దుల్కర్ సల్మాన్ కథానాయకుడిగా నటించిన తాజా పాన్ ఇండియా సినిమా 'లక్కీ భాస్కర్'. ఆ సినిమా నిర్మాత సూర్యదేవర నాగవంశీ,దర్శకుడు వెంకీ అట్లూరి, హీరోయిన్ మీనాక్షి చౌదరి కూడా ఈ ఎపిసోడ్ లో పాల్గొంటారని సమాచారం. ఈ నెల 24వ తేదీన'కంగువ'చిత్ర బృందంతో మరో ఎపిసోడ్ షూటింగ్ ప్లాన్ చేస్తున్నారట. ఆ సినిమాల విడుదల సమయాల్లో ఎపిసోడ్స్ విడుదల చేసేలా ప్లాన్ చేస్తున్నారు. ఈ నెల 24వ తేదీ నుంచి ఈ షో ప్రారంభమవుతుంది.
