PM Modi: ప్రధానమంత్రి నరేంద్రమోదీ పర్యవేక్షణలో 'ఆపరేషన్‌ సిందూర్‌'.. 9 పాక్ ఉగ్ర స్థావరాల ధ్వంసం
ఈ వార్తాకథనం ఏంటి
పాకిస్థాన్‌లోని ఉగ్రవాద స్థావరాలపై జరిగిన 'ఆపరేషన్‌ సిందూర్‌'ను స్వయంగా భారత ప్రధానమంత్రి నరేంద్ర మోదీ పర్యవేక్షించారు.
ఈ ఆపరేషన్‌లో భాగంగా భారత సాయుధ దళాలు పాక్‌లో ఉన్న తొమ్మిది ఉగ్రవాద శిబిరాలను విజయవంతంగా ధ్వంసం చేశాయి.
ఈ మెరుపు దాడుల నేపథ్యంలో పాకిస్థాన్‌ సైన్యం సరిహద్దుల్లో కాల్పులకు పాల్పడింది.
అయితే, ఈ పరిస్థితిని ఎదుర్కొనేందుకు భారత వాయుసేన వద్ద ఇప్పటికే సిద్ధంగా ఉన్న ఆధునిక వాయు రక్షణ వ్యవస్థ మరింత అప్రమత్తంగా మారింది.
వివరాలు
భారత ఎంబసీ అధికారిక ప్రకటనను విడుదల
ఈ దాడులపై వివరణ ఇవ్వడం కోసం భారత ప్రభుత్వ ఉన్నతాధికారులు ప్రపంచ దేశాలకు పూర్తి వివరాలు అందించారు.
పాక్‌లోని ఉగ్ర స్థావరాలపై భారత దళాలు చర్యలు తీసుకున్నట్లు అమెరికా, రష్యా, బ్రిటన్‌ (యూకే), సౌదీ అరేబియా, యునైటెడ్ అరబ్ ఎమిరేట్స్ (యూఏఈ) ప్రభుత్వాలకు సమాచారం అందించబడింది.
ఈ దాడుల గురించి వాషింగ్టన్‌ డీసీలో ఉన్న భారత ఎంబసీ ఓ అధికారిక ప్రకటనను విడుదల చేసింది.
ఇందులో పాకిస్థాన్‌లోని పౌర లక్ష్యాలు, ఆర్థిక కేంద్రాలు, సైనిక స్థావరాలపై దాడులు జరగలేదని స్పష్టంగా పేర్కొంది.
వివరాలు
నరేంద్రమోదీ అధ్యక్షతన క్యాబినెట్‌ కమిటీ అత్యవసర సమావేశం
ఈ సందర్భంగా అమెరికా విదేశాంగ కార్యదర్శితో జాతీయ భద్రతా సలహాదారు అజిత్‌ దోవల్ ప్రత్యక్షంగా మాట్లాడారు.
ఉగ్రవాద స్థావరాలపై భారత చర్యలపై అమెరికా అధ్యక్షుడు డొనాల్డ్‌ ట్రంప్‌ స్పందిస్తూ, భారత్‌-పాకిస్థాన్‌ మధ్య నెలకొన్న ఉద్రిక్తతలు త్వరలో పరిష్కారమవాలని ఆకాంక్షించారు.
తాజా పరిణామాల నేపథ్యంలో బుధవారం ఉదయం ప్రధాని నరేంద్రమోదీ అధ్యక్షతన క్యాబినెట్‌ కమిటీ ఆన్‌ సెక్యూరిటీ (సీసీఎస్‌) అత్యవసర సమావేశం నిర్వహించనున్నట్టు సమాచారం.
ట్విట్టర్ పోస్ట్ చేయండి
ప్రధానమంత్రి నరేంద్రమోదీ పర్యవేక్షణలో 'ఆపరేషన్‌ సిందూర్‌'
Prime Minister Narendra Modi constantly monitored #OperationSindoor throughout the night.
— All India Radio News (@airnewsalerts) May 7, 2025
File Pic pic.twitter.com/q7BoCP4pqg