Rajya Sabha: స్మృతి ఇరానీ,అన్నామలైకు ప్రమోషన్.. ఏపీ నుంచి రాజ్యసభకు వెళ్లనున్న నేతలు
ఈ వార్తాకథనం ఏంటి
కేంద్ర మాజీ మంత్రి స్మృతి ఇరానీ, తమిళనాడు బీజేపీ మాజీ అధ్యక్షుడు అన్నామలైకు పదోన్నతికి అవకాశాలు కనిపిస్తున్నాయి. బీజేపీ కేంద్ర నాయకత్వం ఈ ఇద్దరిని రాజ్యసభకు పంపించాలని యోచన చేస్తోంది అనే సమాచారం వస్తోంది. ఈ క్రమంలో,కూటమిలో భాగంగా ఆంధ్రప్రదేశ్ నుంచి వారిని రాజ్యసభకు పంపే అంశంపై చర్చలు జరుగుతున్నట్లు వార్తలు వినిపిస్తున్నాయి. ఇటీవల ఏపీలో రాజ్యసభకు ఉప ఎన్నిక నిర్వహించనుండగా,ఆ స్థానం నుంచి స్మృతి ఇరానీ గానీ, అన్నామలై గానీ పోటీ చేసే అవకాశం ఉందని రాజకీయ వర్గాలు భావిస్తున్నాయి. ప్రస్తుతం రాష్ట్రంలో ఏపీలో కూటమి ప్రభుత్వం ఉంది. ఉన్న నేపథ్యంలో, వీరిలో ఒకరిని ఎంపిక చేయాలని పార్టీ వ్యూహకర్తలు భావిస్తున్నారు.
వివరాలు
యువతను ప్రోత్సహించే దిశగా పార్టీ వ్యూహాలు
ఈ మేరకు మంగళవారం నాడు ఏపీ సీఎం చంద్రబాబు నాయుడు, కేంద్ర హోంమంత్రి అమిత్ షాతో ఢిల్లీలో సమావేశమయ్యే అవకాశం ఉంది. ఈ భేటీలో రాజ్యసభ సభ్యత్వ అంశంపై చర్చ జరిగే అవకాశం ఉందని సమాచారం. ఇటీవలే తమిళనాడు పర్యటనలో ఉన్న అమిత్ షా,అన్నామలైను త్వరలో ఢిల్లీకి తీసుకెళ్తామని హామీ ఇచ్చారు. ఈ ప్రకటనకు అనుగుణంగా, అన్నామలైను పెద్దల సభకు పంపే దిశగా పార్టీ ఆలోచిస్తోంది. ఇక మరోవైపు, కేంద్ర మంత్రివర్గ విస్తరణ కూడా సమీపంలోనే ఉండగా, ఈసారి కొత్తవారికి ప్రాధాన్యం కల్పించే అవకాశం ఉందని విశ్వసనీయ వర్గాలు చెబుతున్నాయి. అదనంగా, బీహార్,తమిళనాడు రాష్ట్రాల్లో త్వరలో అసెంబ్లీ ఎన్నికలు జరగనున్న నేపథ్యంలో, యువతను ప్రోత్సహించే దిశగా పార్టీ వ్యూహాలు రచిస్తోంది.
వివరాలు
స్మృతి ఇరానీకి మంత్రివర్గంలో స్థానం కల్పించాలన్న యోచన
గతంలో కేంద్ర మంత్రి పదవిలో ఉన్న స్మృతి ఇరానీ, 2024 లోక్‌సభ ఎన్నికల్లో ఉత్తరప్రదేశ్‌లోని అమేథీ నియోజకవర్గం నుంచి పోటీచేసి ఓడిపోయారు. ఆమెను కాంగ్రెస్ అభ్యర్థి కిషోరి లాల్ శర్మ భారీ మెజారిటీతో ఓడించారు. 2019 ఎన్నికల్లో ఆమె అదే స్థానం నుంచి రాహుల్ గాంధీపై విజయ సాధించి సంచలనంగా నిలిచారు. కానీ ఇటీవల ఆమె ప్రజలపై ప్రభావం తగ్గినట్లు రాజకీయ పరిశీలకులు పేర్కొంటున్నారు. అందువల్ల, ఆమెను రాజ్యసభకు పంపి, తరువాత మంత్రివర్గంలో స్థానం కల్పించాలన్న యోచన బీజేపీ హైకమాండ్‌లో ఉన్నట్లు చెబుతున్నారు.
వివరాలు
ఉప ఎన్నికకు సంబంధించిన నోటిఫికేషన్ విడుదల
ఇక 2028 జూన్‌లో వైఎస్సార్ కాంగ్రెస్ నేత విజయసాయిరెడ్డి రాజ్యసభ పదవీ కాలం ముగియనుంది. అయితే ఆయన ముందుగానే, 2024 జనవరిలో రాజ్యసభ పదవికి రాజీనామా చేసి, రాజకీయాల నుంచి పూర్తిగా తప్పుకున్నారు. ఈ కారణంగా ఖాళీ అయిన ఆ స్థానానికి మే 9న ఉప ఎన్నిక జరగనుంది. ఈ సీటుకు స్మృతి ఇరానీ గానీ, అన్నామలై గానీ ఎంపికయ్యే అవకాశాలు కనిపిస్తున్నాయి. మే 9 ఉప ఎన్నికకు సంబంధించిన నోటిఫికేషన్ ఇప్పటికే విడుదలైంది. నామినేషన్ దాఖలు చేసేందుకు ఏప్రిల్ 29 తుది తేదీగా నిర్ణయించగా, కొద్ది రోజులు మాత్రమే మిగిలి ఉండటంతో ఈ రోజు కీలకమైన నిర్ణయం వెలువడే సూచనలు కనిపిస్తున్నాయి.