ChatGPT: ప్రపంచవ్యాప్తంగా చాట్‌జీపీటీ సేవల్లో అంతరాయం..మస్యను గుర్తించినట్లు తెలిపిన OpenAI
ఈ వార్తాకథనం ఏంటి
కృత్రిమ మేధ ఆధారిత చాట్‌బాట్ చాట్‌జీపీటీ సేవల్లో అంతరాయం ఏర్పడింది. దీని వల్ల ప్రపంచవ్యాప్తంగా లక్షలాది మంది యూజర్లు ఈ సేవలను వినియోగించలేకపోయారు. ఈ సమస్యపై ఓపెన్‌ఏఐ సంస్థ 'ఎక్స్' వేదికగా స్పందించి యూజర్లకు క్షమాపణలు తెలియజేసింది. వారు సమస్యను గుర్తించినట్లు పేర్కొంటూ, దాని పరిష్కారానికి చర్యలు తీసుకుంటున్నట్లు తెలిపారు. దీనిపై త్వరలోనే కొత్త అప్‌డేట్‌ను అందించనున్నట్లు ప్రకటించారు. భారత కాలమానం ప్రకారం గురువారం తెల్లవారుజాము నుంచి చాట్‌జీపీటీ సేవల్లో అంతరాయం కనిపించింది. ఓపెన్‌ఏఐకు సంబంధించిన ఏపీఐ, సోరా సేవల్లోనూ సమస్యలు ఎదురయ్యాయని కంపెనీ వెల్లడించింది.
వివరాలు
వాట్సప్,ఇన్‌స్టాగ్రామ్, ఫేస్‌బుక్‌ సేవల్లో అంతరాయం
2022లో అందుబాటులోకి వచ్చిన ఆర్టిఫిషియల్ ఇంటెలిజెన్స్ ఆధారిత ఈ చాట్‌బాట్ చాట్‌జీపీటీ, యూజర్లకు కేవలం కొన్ని సెకన్లలోనే కావాల్సిన సమాధానాలను మరియు సమాచారాన్ని అందించే సామర్థ్యాన్ని కలిగి ఉంది. బుధవారం రాత్రి, మెసేజింగ్ యాప్ అయిన వాట్సప్,సోషల్ మీడియా ప్లాట్‌ఫారమ్‌లైన ఇన్‌స్టాగ్రామ్, ఫేస్‌బుక్‌ సేవల్లో అంతరాయం ఏర్పడిన విషయం అందరికీ తెలిసిందే. ఈ అంశంపై మెటా కంపెనీ స్పందించింది. సాంకేతిక సమస్యల కారణంగా తమ యాప్స్‌ను పలు వినియోగదారులు ఉపయోగించలేకపోతున్నారని తెలియజేసింది. తాము త్వరగా సేవలను పునరుద్ధరించేందుకు అన్ని ప్రయత్నాలు చేస్తున్నట్లు ఆమె పేర్కొంది.