ICC T20 Rankings: ఐసీసీ టీ20 ర్యాంకింగ్స్లో అభిషేక్ శర్మ అగ్రస్థానం
ఈ వార్తాకథనం ఏంటి
టీమిండియా విధ్వంసక ఓపెనర్ అభిషేక్ శర్మ ఐసీసీ టీ20 బ్యాట్స్మన్ ర్యాంకింగ్స్లో తన అగ్రస్థానాన్ని నిలబెట్టుకున్నాడు. అతడు మొత్తం 875 పాయింట్లతో మొదటి స్థానంలో కొనసాగుతున్నాడు. బుధవారం విడుదల చేసిన తాజా ర్యాంకింగ్స్లో ఈ విషయం వెల్లడైంది. ఇదే సమయంలో మరో భారత ఆటగాడు ఇషాన్ కిషన్ గణనీయంగా మెరుగుపడ్డాడు. అతడు నాలుగు స్థానాలు ఎగబాకి 871 పాయింట్లతో రెండో స్థానానికి చేరుకున్నాడు. పాయింట్ల పరంగా చూస్తే, అభిషేక్ శర్మకు చాలా దగ్గరగా నిలిచాడు. ఇక భారత యువ బ్యాటర్ తిలక్ వర్మ ఒక స్థానం కిందికి జారి 7వ ర్యాంకులో నిలిచాడు. టీమ్ఇండియా కెప్టెన్ సూర్యకుమార్ యాదవ్ మాత్రం రెండు స్థానాలు పడిపోయి 9వ స్థానంలో కొనసాగుతున్నాడు.
వివరాలు
అగ్రస్థానం కోల్పోయిన వరుణ్ చక్రవర్తి.. రషీద్ ఖాన్కు నంబర్ వన్
బౌలర్ల విభాగంలో మాత్రం మార్పు చోటుచేసుకుంది. టీమ్ఇండియా మిస్టరీ స్పిన్నర్ వరుణ్ చక్రవర్తి తన అగ్రస్థానాన్ని కోల్పోయాడు. అఫ్గానిస్థాన్ స్టార్ స్పిన్నర్ రషీద్ ఖాన్ అతడిని వెనక్కి నెట్టుతూ మొదటి స్థానాన్ని దక్కించుకున్నాడు. దీంతో వరుణ్ చక్రవర్తి రెండో స్థానానికి పరిమితమయ్యాడు. ఆల్రౌండర్ల జాబితాలో జింబాబ్వేకు చెందిన సికందర్ రజా మొదటి స్థానంలో కొనసాగుతున్నాడు. భారత ఆల్రౌండర్ హార్దిక్ పాండ్య రెండో స్థానాన్ని నిలబెట్టుకున్నాడు. ఇద్దరూ తమ స్థానాల్లో మార్పు లేకుండా ముందంజలో కొనసాగుతున్నారు.