Top Openers: కెరీర్ తొలినాళ్లలో మిడిలార్డర్.. ఆ తర్వాత ఓపెనర్ గా ఇంటర్నేషనల్ క్రికెట్లో అదరగొట్టిన బ్యాటర్లు వీరే!
క్రికెట్లో ప్రతి ఆటగాడి పాత్ర ఎంతో ముఖ్యమైనది. ఓపెనర్ నుంచి చివరి స్థానంలో ఉన్న బౌలర్ వరకు అందరూ తమవంతు బాధ్యత తీసుకుంటేనే జట్టు సునాయాశంగా విజయం సాధిస్తుంది. ఈ సందర్భంగా, తమ అంతర్జాతీయ క్రికెట్ కెరీర్ ప్రారంభంలో మిడిలార్డర్ బ్యాటింగ్ చేసినా, తర్వాత ఓపెనర్లుగా మారి విజయం సాధించిన ముగ్గురు ప్రధాన బ్యాటర్ల గురించి తెలుసుకుందాం.
వీరేంద్ర సెహ్వాగ్ (నజఫ్‌గఢ్ నవాబ్)
భారత మాజీ క్రికెట్ దిగ్గజం వీరేంద్ర సెహ్వాగ్ తన అంతర్జాతీయ క్రికెట్ జీవితాన్ని మిడిల్ ఆర్డర్ బ్యాటర్‌గా ప్రారంభించాడు. కానీ, తర్వాత ఓపెనర్‌గా ప్రమోట్ అవడంతో, అన్ని ఫార్మాట్లలోనూ అద్భుత ప్రదర్శన కనబరిచాడు. తొలి బంతి నుంచే దూకుడుగా ఆడే సెహ్వాగ్, ప్రత్యర్థి బౌలర్లకు వణుకు పుట్టించాడు. 2004లో పాకిస్థాన్ పై 309 పరుగులతో ట్రిపుల్ సెంచరీ సాధించిన సెహ్వాగ్, 2008లో దక్షిణాఫ్రికాపై 293 పరుగులతో మరోసారి తన ప్రతిభను చూపించాడు. మిడిలార్డర్ నుంచి ఓపెనర్‌గా మారిన తర్వాత, సెహ్వాగ్ క్రికెట్ లెజెండ్‌గా నిలిచాడు.
రోహిత్ శర్మ (హిట్ మ్యాన్)
భారత జట్టుకు అత్యంత విజయవంతమైన ఓపెనర్లలో రోహిత్ శర్మ ఒకరు. కెరీర్ ప్రారంభంలో మిడిలార్డర్‌లో బ్యాటింగ్ చేసిన రోహిత్, తన దూకుడైన బ్యాటింగ్ శైలి, సొగసైన స్ట్రోక్ ప్లేతో ఓపెనర్‌గా ప్రమోట్ అయ్యాడు. దీంతో అతని కెరీర్ కొత్త పుంతలు తొక్కింది. వన్డేల్లో రోహిత్ మూడు డబుల్ సెంచరీలు సాధించాడు. ప్రస్తుతం టీ20కు గుడ్‌బై చెప్పిన రోహిత్, భారత వన్డే, టెస్టు జట్టుకు కెప్టెన్‌గా ఉన్నాడు.
బ్రెండన్ మెక్‌కల్లమ్ (ది బజ్)
న్యూజిలాండ్ మాజీ క్రికెటర్ బ్రెండన్ మెక్‌కల్లమ్ తన కెరీర్ ప్రారంభంలో మిడిలార్డర్ బ్యాటర్‌గా ఆడేవాడు. తర్వాత ఓపెనర్‌గా వచ్చిన తర్వాత, బౌలర్లపై విరుచుకుపడ్డాడు. 2015 ప్రపంచ కప్‌లో ఆస్ట్రేలియాపై 73 బంతుల్లో 158 పరుగులు చేశాడు. కెప్టెన్‌గా ఉన్నప్పటికీ తన దూకుడైన శైలిని కొనసాగించాడు. ఈరోజు "బజ్‌బాల్" వ్యూహం సృష్టికర్తగా కూడా మెక్‌కల్లమ్ గుర్తింపు పొందాడు.
