Rohit And Gambhir: ప్రధాన కోచ్ గంభీర్‌తో రోహిత్‌కు మనస్పర్థలు.. ఒక్క వీడియోతో దొరికిన క్లారిటీ
ఈ వార్తాకథనం ఏంటి
భారత క్రికెట్ ప్రధాన కోచ్ గౌతమ్ గంభీర్, కెప్టెన్ రోహిత్ శర్మ మధ్య తీవ్ర విభేదాలు నెలకొన్నట్లు వార్తలు వచ్చాయి. ఆసీస్ పర్యటన సమయంలో రోహిత్ సారథ్య బాధ్యతల నుంచి తప్పుకోవాలని అనుకుని,తిరిగి తన నిర్ణయాన్ని మార్చుకోవడం గంభీర్‌కు అసంతృప్తిని కలిగించినట్లు క్రికెట్ వర్గాల్లో చర్చ జరుగుతోంది. అయితే ఇంగ్లండ్ వన్డే సిరీస్, ఛాంపియన్స్ ట్రోఫీ సమీపిస్తున్న తరుణంలో ఈ రకాల వార్తలకు బ్రేక్ వేస్తూ రోహిత్-గంభీర్ కలిసి ఉన్న వీడియో ఒకటి వైరల్ అయ్యింది. ఓ హోటల్‌లో డిన్నర్ అనంతరం వీరిద్దరూ సరదాగా ముచ్చటించుకుంటూ బయటకు రావడం ఆ వీడియోలో కనిపించింది. వీరిద్దరూ కలసి నడుచుకుంటూ జోకులు వేసుకుంటూ ఉండటంతో వీరి మధ్య ఉన్న విభేదాలకు చెక్ పెట్టినట్లు అయ్యింది.
వివరాలు
ఇంగ్లండ్ వన్డే సిరీస్‌లో కొత్త ముఖాలు..
భారత్-ఇంగ్లండ్ వన్డే సిరీస్‌లో టీమిండియా తరఫున ఇద్దరు కొత్త క్రికెటర్లు అరంగేట్రం చేసే అవకాశం ఉందని అంచనా. ఇప్పటి వరకు టెస్టులు, టీ20ల్లో ఆకట్టుకున్న యువ ఓపెనర్ యశస్వి జైస్వాల్ వన్డే ఫార్మాట్‌లో తొలిసారి అడుగుపెట్టనున్నట్లు సమాచారం. అదే విధంగా, చివరి నిమిషంలో జట్టులోకి ఎంపికైన స్పిన్నర్ వరుణ్ చక్రవర్తి కూడా ఈ సిరీస్‌లో తన ప్రస్థానాన్ని ప్రారంభించే అవకాశముంది. అయితే, రోహిత్‌తో కలిసి ఇన్నింగ్స్ ఆరంభించేది జైస్వాలా లేక గిల్‌కా అన్నది ఆసక్తికరంగా మారింది. మరోవైపు, యశస్విని బెంచ్‌కే పరిమితం చేసి, రోహిత్-గిల్ ఓపెనింగ్ జోడీ కొనసాగినా ఆశ్చర్యం లేదనిపిస్తోంది.
వివరాలు
త్రో డౌన్ స్పెషలిస్ట్ రఘుకు విచిత్ర పరిస్థితి..
భారత క్రికెట్ జట్టు ఇప్పటికే నాగ్‌పుర్ మైదానానికి చేరుకుని ప్రాక్టీస్‌లో నిమగ్నమై ఉంది. జట్టుకు కట్టుదిట్టమైన భద్రతను ఏర్పాటు చేసినప్పటికీ, టీమ్‌ఇండియా త్రో డౌన్ స్పెషలిస్ట్ రఘు అనుకోని పరిస్థితిని ఎదుర్కొన్నట్లు తెలుస్తోంది. భద్రతా సిబ్బంది అతడిని అభిమానిగా భావించి, కొద్దిసేపు మైదానంలోకి అనుమతించకపోవడం సోషల్ మీడియాలో చర్చనీయాంశమైంది. కానీ ధ్రువీకరణ పత్రాలను చూపించిన తర్వాత అతడిని లోపలికి పంపించారు. ఈ సంఘటనపై భద్రతా సిబ్బందిపై కొందరు అసంతృప్తిని వ్యక్తం చేసినా, మరికొందరు మాత్రం కఠినమైన భద్రత వ్యవస్థను అభినందించారు.
ట్విట్టర్ పోస్ట్ చేయండి
రోహిత్-గంభీర్ కలిసి ఉన్న వీడియో ఇదే..
The way Captain Rohit Sharma and coach Gautam Gambhir having fun after the Dinner last night at team hotel.🥹🧿❤️🩹
— 𝐑𝐮𝐬𝐡𝐢𝐢𝐢⁴⁵ (@rushiii_12) February 5, 2025
Love to see them like that. ❤️ pic.twitter.com/eWA9As6wMn