Samson - Ashwin: 'నేను కేరళలోనే ఉండి.. నువ్వు చెన్నైకి వెళ్లొచ్చు' అశ్విన్-సంజు సరదా సంభాషణ వైరల్‌
ఈ వార్తాకథనం ఏంటి
యూట్యూబ్‌ ఛానెల్‌ను నిర్వహిస్తున్న రవిచంద్రన్‌ అశ్విన్ తరచూ వివిధ అంశాలపై చర్చలు, వాదోపవాదాలు కొనసాగిస్తూ ఉంటాడు. అతడి డిబేట్‌ కార్యక్రమాల్లో మాజీ క్రికెటర్లు, ప్రస్తుత ఆటగాళ్లు, క్రికెట్‌ విశ్లేషకులు తరచుగా పాల్గొంటారు. తాజాగా ఆయన మరోసారి వార్తల్లో నిలిచాడు. దీనికి కారణం ఆయన, సంజు శాంసన్‌ల మధ్య జరిగిన సంభాషణే. ముఖ్యంగా ఈ ఇద్దరూ తమ ప్రస్తుత ఐపీఎల్‌ ఫ్రాంచైజీలను వదిలేందుకు సిద్ధమవుతున్న ఆటగాళ్లుగా గుర్తింపు పొందిన నేపథ్యంలో, వారి మధ్య జరిగిన సంభాషణ ప్రత్యేక ఆసక్తి రేపింది. అయితే వీరిద్దరూ ఏ విషయంపై మాట్లాడుకుంటూ నవ్వులు పంచుకున్నారో తెలుసుకోవాలంటే పూర్తి వీడియో బయటకు రావాల్సిందే. ప్రస్తుతం మాత్రం సోషల్‌ మీడియాలో చక్కర్లు కొడుతున్నది ఒక చిన్న ట్రైలర్‌ మాత్రమే.
వివరాలు
'నేను కేరళలోనే ఉండి.. నువ్వు చెన్నైకి వెళ్లొచ్చు'
''నిన్ను చాలా ప్రశ్నలు అడగాలని అనుకుంటున్నా. కానీ, ఆ ముందుగా ఒక విషయం చెప్పాలి. అది ట్రేడ్‌ గురించే'' అని అశ్విన్ చెప్పగానే సంజు నవ్వేశాడు. అశ్విన్ కొనసాగిస్తూ, ''కేరళలోనే ఉండటం నాకు సంతోషంగా ఉంది. ఇప్పటికే ఎన్నో రకాల పుకార్లు వినిపిస్తున్నాయి. వాటి గురించి నాకు తెలియదు. ఆ విషయాన్ని నువ్వే చెబుతావని అనుకున్నా. నేను కేరళలోనే ఉండిపోతా... నువ్వు చెన్నైకి వెళ్లొచ్చు'' అంటూ సరదాగా వ్యాఖ్యానించాడు.
వివరాలు
అన్నీ అసత్య వార్తలే…
ఇటీవల ప్రపంచ ఛాంపియన్‌షిప్‌ ఆఫ్‌ లెజెండ్స్‌ టోర్నీలో పాకిస్థాన్‌తో మ్యాచ్‌లు ఆడకూడదని భారత ఛాంపియన్స్‌ జట్టు బహిష్కరించింది. కానీ, ఆసియా కప్‌లో మాత్రం ఆడేందుకు ఏ ఇబ్బంది ఉండదని యూఏఈ క్రికెట్‌ బోర్డు సీఓఓ స్పష్టంచేసిన విషయం తెలిసిందే. ఇదిలా ఉండగా, పాకిస్థాన్‌తో ద్వైపాక్షిక పోరు అంశంపై బీసీసీఐ, కేంద్ర ప్రభుత్వంపై అశ్విన్ తీవ్ర విమర్శలు చేశాడనే వార్తలు నెట్టింట వేగంగా వైరల్‌ అయ్యాయి. దేశభక్తి, డబ్బుకు ముడిపెడుతూ అశ్విన్ వ్యాఖ్యలు చేశాడంటూ ఆ వార్తల్లో పేర్కొన్నారు. అయితే, ఇవన్నీ అసత్యమని అశ్విన్ తేల్చి చెప్పాడు. తాను అలాంటి వ్యాఖ్యలు ఎప్పుడూ చేయలేదని, ఈ విధమైన తప్పుడు ప్రచారం సరికాదని సోషల్‌ మీడియాలో స్పష్టమైన పోస్టు పెట్టాడు.
ట్విట్టర్ పోస్ట్ చేయండి
అశ్విన్ చేసిన ట్వీట్
Don’t associate me with this fake news.
— Ashwin 🇮🇳 (@ashwinravi99) July 28, 2025
Shame on those who trigger all this https://t.co/9IlYcvYhwx