జీ20 సదస్సుకు చైనా ప్రధాని లీ కియాంగ్
సెప్టెంబరు 9-10 తేదీల్లో న్యూఢిల్లీలో జరగనున్న జీ20 సదస్సుకు చైనా అధ్యక్షుడు జి జిన్‌పింగ్ హాజరుకావడం లేదని బీజింగ్ సోమవారం ధృవీకరించింది. ఈ ప్రతినిధి బృందానికి ఆ దేశ ప్రధాని లీ కియాంగ్ నేతృత్వం వహిస్తారని చైనా విదేశాంగ శాఖ ప్రకటించింది. చైనా విదేశాంగ మంత్రిత్వ శాఖ అధికార ప్రతినిధి మావో నింగ్ ఒక సంక్షిప్త ప్రకటన విడుదల చేస్తూ,రిపబ్లిక్ ఆఫ్ ఇండియా ప్రభుత్వ ఆహ్వానం మేరకు, స్టేట్ కౌన్సిల్ ప్రీమియర్ లీ కియాంగ్ సెప్టెంబర్ 9న భారతదేశంలోని న్యూఢిల్లీలో జరగనున్న 18వ G20 సమ్మిట్‌కు హాజరవుతారని తెలిపారు. ప్రెసిడెంట్ జి జిన్‌పింగ్ న్యూఢిల్లీ శిఖరాగ్ర సమావేశానికి దూరంగా ఉంటారని చైనా అధికారులు సెప్టెంబర్ 2న భారత సహచరులకు తెలియజేశారు.
