Elon Musk: చైనా దిగుమతులపై పునఃపరిశీలించాలని ట్రంప్‌నకు మస్క్ సూచన!
ఈ వార్తాకథనం ఏంటి
అమెరికా - చైనా మధ్య వాణిజ్య యుద్ధం మళ్లీ ముదురుతోంది. ఈ నేపథ్యంలో మరో కీలక పరిణామం వెలుగులోకి వచ్చింది.
'డిపార్ట్‌మెంట్ ఆఫ్ గవర్నమెంట్ ఎఫీషియన్సీ' (డోజ్) విభాగానికి నాయకత్వం వహిస్తున్న ప్రముఖ వ్యాపారవేత్త, ప్రపంచ ధనవంతుల్లో ఒకరైన ఎలాన్ మస్క్, చైనా పై టారిఫ్‌లను తగ్గించాల్సిందిగా అమెరికా అధ్యక్షుడు డొనాల్డ్ ట్రంప్‌ను అభ్యర్థించినట్టు సమాచారం.
దీనికి సంబంధించి పలు ఆంగ్ల వార్తా సంస్థలు కథనాలను ప్రచురించాయి.
వీటి ప్రకారం, ఎలాన్ మస్క్ స్వయంగా ట్రంప్‌తో సమావేశమై చర్చలు నిర్వహించినట్టు తెలుస్తోంది.
చైనాపై విధించిన సుంకాలను మళ్లీ పరిశీలించాలని మస్క్ సూచించినా, ఆ ప్రయత్నం ఫలించలేదని తెలుస్తోంది.
అయినప్పటికీ, ఈ పరిణామాలపై ఇప్పటి వరకు అధికారిక ప్రకటన ఏదీ విడుదల కాలేదు.
వివరాలు
అంతర్జాతీయ వాణిజ్య సహకార ప్రయోజనాలను వివరించిన మిల్టన్ ఫ్రిడ్‌మాన్
ఇదిలా ఉండగా, ట్రంప్ ప్రకటించిన సుంకాలపై ఇప్పటివరకు ఎలాన్ మస్క్ తన వ్యక్తిగత అభిప్రాయాన్ని ప్రకటించలేదు.
అయితే, ఇటీవల ఎక్స్ వేదికగా మస్క్ ఒక వీడియోను షేర్ చేశారు.
ఆ వీడియోలో ప్రసిద్ధ ఆర్థికవేత్త మిల్టన్ ఫ్రిడ్‌మాన్ అంతర్జాతీయ వాణిజ్య సహకార ప్రయోజనాలను వివరించారు.
దాంతో, మస్క్ దృక్పథం అనుకూల వాణిజ్యానికి అనుకూలంగా ఉందని అర్థమవుతోంది. అంటే, ఆయన అభిప్రాయం ప్రకారం సుంకాలు అంతర్జాతీయ సహకారానికి అడ్డుగా నిలుస్తాయి.
వివరాలు
ప్రపంచ వాణిజ్య సంస్థ (డబ్ల్యూటీవో)లో అధికారికంగా ఫిర్యాదు
ఇక మరోవైపు, పరస్పర టారిఫ్‌ల ప్రభావంగా అమెరికా, చైనా దిగుమతులపై సగటున 34 శాతం సుంకాలను విధించింది.
దీనికి ప్రతిగా చైనా కూడా వెంటనే స్పందించింది. అమెరికాకు చెందిన 16 కంపెనీలకు చెందిన ద్విఉపయోగ ఉత్పత్తుల (dual-use products) ఎగుమతులపై నిషేధాన్ని ప్రకటించింది.
ఇదే కాకుండా, అమెరికాలోని రక్షణ, కంప్యూటర్, స్మార్ట్‌ఫోన్ పరిశ్రమలపై ప్రభావం చూపేలా అరుదైన ఖనిజాల ఎగుమతులను నియంత్రించేందుకు చర్యలు తీసుకుంది.
అంతేకాదు, అమెరికా విధించిన ప్రతీకార సుంకాలపై ప్రపంచ వాణిజ్య సంస్థ (డబ్ల్యూటీవో)లో అధికారికంగా ఫిర్యాదు కూడా చేసింది.
వివరాలు
బీజింగ్ తీరుపై అధ్యక్షుడు ట్రంప్ విమర్శలు
బీజింగ్ తీరుపై అధ్యక్షుడు ట్రంప్ తీవ్రంగా విమర్శలు గుప్పించారు.
ఏప్రిల్ 8లోగా చైనా తన నిర్ణయాన్ని వెనక్కి తీసుకోవాలని స్పష్టంగా తెలిపారు.
లేనిపక్షంలో ఏప్రిల్ 9 నుంచి 50 శాతం ప్రతీకార సుంకాలను అమలులోకి తేనని హెచ్చరించారు.
చర్చలకి ఇది ముగింపు కావచ్చని కూడా సూచించారు. అదనపు సుంకాల ప్రకటనలు చేసినప్పటికీ, ఏ దేశమైనా అమెరికాపై ప్రతీకారం తీర్చేందుకు ముందుకొస్తే, మరింత తీవ్రమైన టారిఫ్‌లు ఎదుర్కోవాల్సి వస్తుందని ట్రంప్ స్పష్టం చేశారు.