గుజరాత్ వెళ్తున్నారా? జీఐ ట్యాగ్ పొందిన వస్తువులు కొనండి
ఈ వార్తాకథనం ఏంటి
పర్యటనలో భాగంగా గుజరాత్ వెళ్తుంటే, అక్కడ ఖచ్చితంగా జీఐ(జియోగ్రాఫికల్ ఇండికేషన్-భౌగోళిక గుర్తింపు) పొందిన వస్తువులు కొనండి. ప్రస్తుతం ఆ వస్తువులు ఏంటో తెలుసుకోండి.
భళియా గోధుమ:
అధిక ప్రోటీన్ ఉన్న ఈ గోధుమ రకానికి భౌగోళిక గుర్తింపు ఉంది. అహమ్మదాబాద్, ఆనంద్, ఖేడా, భావ్ నగర్, సురేంద్రనగర్, భరూచ్ ప్రాంతాల్లో ఈ గోధుమ పంట రకాన్ని ఎక్కువగా పండిస్తారు.
గుజరాత్ లో రెండు లక్షల హెక్టార్లలో ఈ గోధుమ రకాన్ని పండిస్తున్నారు.
గిర్ కేసర్ మ్యాంగో:
గుజరాత్ లోని గిర్ ప్రాంతానికి చెందిన మామిడి పండ్లు చాలా ప్రత్యేకమైనవి. మామిడికాయల రాణి అని దీన్ని పిలుస్తారు. మే నుండి జులై నెలలో ఈ మామిడికాయలు పండుతాయి.
Details
కచ్ ఎంబ్రాయిడరీ
కచ్ ప్రాంతంలో మహిళలు తయారు చేసే ఎంబ్రాయిడరీ వస్తువులకు భౌగోళిక గుర్తింపు లభించింది. వివిధ రకాల రంగుల్లో ఉండె పూసలతో ఎంబ్రాయిడరీ డిజైన్స్ రెడీ చేస్తారు.
కచ్ ప్రాంతంలో ఎన్నో ఏళ్ళుగా ఈ ఎంబ్రాయిడరీ డిజైన్లను తయారు చేస్తున్నారు.
అగేట్స్ ఆఫ్ క్యాంబే:
క్యాంబే ప్రాంతంలో ఈ రాళ్ళు, చూడడానికి కొత్తగా ఉంటాయి. ఎన్నో రకాల రంగుల్లో ఉండే ఈ రాళ్ళు, క్యాంబే ప్రాంతంలో దొరుకుతాయి. గుజరాత్ వెళ్ళినపుడు ఈ రాళ్ళను గుర్తుగా ఇంటికి తెచ్చుకోండి.
సంఖేడా ఫర్నీఛర్:
ఖరాడి సామాజిక వర్గానికి చెందిన కళాకారులు ఈ కలప సామాగ్రిని తయారు చేస్తారు. టేకు చెక్కతో తయారయ్యే ఈ వస్తువుల తయారీలో లక్క చెట్లపై ఉండే కీటకాల విసర్జనను ఉపయోగిస్తారు.